ରାୟପୁର,୧୯।୬: ଛତିଶଗଡ଼ ବିଜାପୁର ଜିଲାରେ ଘଟିଛି ଏକ ଅଭାବନୀୟ ଘଟଣା। ଏଠାରେ ସମାଜବାଦୀ ପାର୍ଟି(ଏସ୍ପି)ନେତା ସନ୍ତୋଷ ପୁନେମ୍ଙ୍କୁ ଅପହରଣ କରି ମାଓବାଦୀମାନେ ହତ୍ୟା କରିଛନ୍ତି। ମଙ୍ଗଳବାର ସନ୍ଧ୍ୟାରେ ପୁନେମ୍ଙ୍କୁ ମାରିମାଲ୍ଲା ଗାଁ ସ୍ଥିତ ଏକ ନିର୍ମାଣ ଅଞ୍ଚଳଠାରୁ କିଛି ମାଓବାଦୀ ଅପହରଣ କରି ନେଇଥିଲେ। ବୁଧବାର ସକାଳେ ତାଙ୍କ ରକ୍ତଜୁଡୁବୁଡୁ ମୃତ ଦେହ ସ୍ଥାନୀୟ ଅଞ୍ଚଳରେ ପଡ଼ିଥିଲା। ଏନେଇ ଲୋକେ ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ମାଓବାଦୀମାନେ ଏକ ବୋଲେରୋ ଏବଂ ନିର୍ମାଣ କାର୍ଯ୍ୟରେ ବ୍ୟବହୃତ ହେଉଥିବା ୩ଟି ଟ୍ରକ୍କୁ ପୋଡ଼ି ଦେଇଥିବା ବରିଷ୍ଠ ପୋଲିସ ଅଧିକାରୀ ଦିବ୍ୟାଙ୍ଗ ପଟେଲ ସୂଚନା ଦେଇଛନ୍ତି।
