ଲଣ୍ଡନ,୫।୧୨: ଇଂଲଣ୍ଡର ପ୍ରସିଦ୍ଧ କ୍ରିକେଟର ବବ୍ ଓ୍ବିଲ୍ସଙ୍କ ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା। ସେ ଅନେକ ଦିନ ହେବ ଅସୁସ୍ଥ ହୋଇ ଚିକିତ୍ସିତ ହେଉଥିଲେ। ୧୯୭୧ରେ ଅଷ୍ଟ୍ରେଲିଆ ବିପକ୍ଷରେ ସିଡନୀରେ ସେ ଅନ୍ତର୍ଜାତୀୟ କ୍ରିକେଟ କ୍ୟାରିୟର ଆରମ୍ଭ କରିଥିଲେ। ଇଂଲଣ୍ଡ ପକ୍ଷରୁ ୯୦ଟି ଟେଷ୍ଟ ଖେଳି ୩୨୫ଟି ଉଇକେଟ୍ ନେଇଥିଲେ। ୧୯୮୧ ଆସେସ ସିରିଜର ତୃତୀୟ ଟେଷ୍ଟରେ ବବ୍ ୪୩ ରନ୍ ଦେଇ ୮ ଉଇକେଟ୍ ନେଇ ଦଳକୁ ବିଜୟ ଦେବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ସେ ୧୦ ବର୍ଷ କ୍ରିକେଟ କ୍ୟାରିୟରରେ ସେ ୬୪ଟି ଏକଦିବସୀୟ ମ୍ୟାଚ୍ ଖେଳି ୮୦ଟି ଉଇକେଟ ନେଇଥିଲେ। ୧୯୮୪ରେ ସେ କ୍ରିକେଟକୁ ଅଲବିଦା କହିଥିଲେ।
