ରାୟଗଡ଼ା ଅଫିସ,୭।୧: ଓଡ଼ିଶା ଲୋକସେବା ଆୟୋଗ(ଓପିଏସ୍ସି) ଦ୍ୱାରା ପରିଚାଳିତ ଓଡ଼ିଶା ପ୍ରଶାସନିକ ସେବା(ଓଏଏସ୍)ର ଚୂଡ଼ାନ୍ତ ପରୀକ୍ଷା ଫଳ ସୋମବାର ପ୍ରକାଶ ପାଇଛି। ଏଥିରେ ମୋଟ ୨୧୮ଜଣ ପରୀକ୍ଷାର୍ଥୀ କୃତକାର୍ଯ୍ୟ ହୋଇଛନ୍ତି। ଗତ ଡିସେମ୍ବର ୧୭ରୁ ୨୮ ତାରିଖ ପର୍ଯ୍ୟନ୍ତ ଅନ୍ତିମ ପର୍ଯ୍ୟାୟ ତଥା ବ୍ୟକ୍ତିତ୍ୱ ପରୀକ୍ଷା କରାଯାଇଥିଲା। ଏଥିରେ ରାୟଗଡ଼ା ଜିଲାର ମନ୍ମଥ ତୁଳଙ୍କ ଝିଅ ସ୍ମରଣିକା ଟପ୍ ଟେନ୍ରେ ରହି ରାୟଗଡ଼ା ଲାଗି ଗୌରବ ଆଣିଛନ୍ତି। ସ୍ମରଣିକା ରାୟଗଡ଼ାର କୋଅପରେଟିଭ କଲୋନୀର ୨ୟ ଲାଇନ୍ରେ ରହୁଥିବା ବେଳେ ଛୋଟବେଳୁ ପରିବାର ଲୋକଙ୍କ ସମର୍ଥନ ମିଳୁଥିଲା ବୋଲି କହିଛନ୍ତି। ଏହା ସହ ଆଦିବାସୀ, ପଛୁଆବର୍ଗଙ୍କ ପାଇଁ କାର୍ଯ୍ୟ କରିବା ଲକ୍ଷ୍ୟ ତାଙ୍କର ପିଲାବେଳୁ ଥିଲା। ଏ ନେଇ ଶିକ୍ଷକମାନଙ୍କ ଦ୍ୱାରା ପ୍ରଭାବିତ ହୋଇଥିବା ସେ କହିଛନ୍ତି।
