ଭୁବନେଶ୍ୱର,୧୦।୧୨(ବ୍ୟୁରୋ):ରାଜ୍ୟ ସରକାର ଓଏଏସ୍ ସ୍ତରରେ ଏକ ବଡ ଧରଣର ଅଦଳ ବଦଳ କରିଛନ୍ତି। ୧୪ଜଣ ବିଡିଓଙ୍କୁ ବଦଳି କରି ଅନ୍ୟତ୍ର ନିଯୁକ୍ତି ଦେଇଛନ୍ତି। ଏନେଇ ସୋମବାର ପଞ୍ଚାୟତିରାଜ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି। ପ୍ରକାଶିତ ବିଜ୍ଞପ୍ତି ଅନୁଯାୟୀ, ଉଦଳା ବିଡିଓ ଦାମୋଦର ଖୁଣ୍ଟିଆଙ୍କୁ ଭଦ୍ରକ ବିଡିଓଭାବେ ବଦଳି କରାଯାଇଥିବା ବେଳେ ଭଦ୍ରକ ବିଡିଓ ଦେବଯାନୀ ଭୂୟାଁଙ୍କୁ ଉଦଳା, ଗଣିଆ ବିଡିଓ ଶ୍ରୀଧର ବିଶ୍ୱାଳଙ୍କୁ ମାର୍ଶାଘାଇ, ଗୋପ ବିଡିଓ କଲ୍ୟାଣ ସୌରଭ ଦାଶଙ୍କୁ ବାଲିକୁଦା, ନୀଳଗିରି ବିଡିଓ ପଲ୍ଲବୀ ସ୍ବାଇଁଙ୍କୁ ରରୁଅଁା, ତିରିଙ୍ଗି ବିଡିଓ ଦୀପ୍ତି ରଞ୍ଜନ ସେଠୀଙ୍କୁ ବାହାନଗା ଏବଂ ତିହିଡି ବିଡିଓ ରମେଶ ଚନ୍ଦ୍ର ପଣ୍ଡାଙ୍କୁ ତିରିଙ୍ଗି ବିଡିଓ ଭାବେ ବଦଳି କରାଯାଇଛି। ସେହିପରି ବନ୍ଧୁଗାଁ ବିଡିଓ ନୀଳାମ୍ବର ମହାନନ୍ଦଙ୍କୁ ଉଲୁଣ୍ଡା ବିଡିଓ ଭାବେ ବଦଳି କରାଯାଇଥିବା ବେଳେ ବୈପାରୀଗୁଡା ବିଡିଓ ରବୀନ୍ଦ୍ର ନାଥ କଅଁରଙ୍କୁ ଖଜୁରିପଡା, ଗୁରୁଣ୍ଡିଆ ବିଡିଓ ଦେବେନ୍ଦ୍ର ନାଥ ମାହାନ୍ତଙ୍କୁ ହିନ୍ଦୋଳ ବିଡିଓ ଭାବେ ବଦଳି କରାଯାଇଛି। ସେହିପରି ରଣପୁର ତହସିଲଦାର ଦୁର୍ଗା ଚରଣ ମୁର୍ମୁଙ୍କୁ ଧାମନଗର, କୋଟପାଡ ତହସିଲଦାର ଦୟାମୟ ପାଢୀଙ୍କୁ ପଦ୍ମପୁର, ବାଲିକୁଦା ତହସିଲଦାର ଶ୍ରୀଧର ଶଙ୍କର ସାହୁଙ୍କୁ ବେଲଗୁଣ୍ଠା ଏବଂ କୋଟଗଡ ତହସିଲଦାର ସୁବାସ ଚନ୍ଦ୍ର ରଇତଙ୍କୁ ବାଲିଗୁଡା ବିଡିଓ ଭାବେ ବଦଳି କରାଯାଇଛି। ଦାନଗଦି ବିଡିଓ ମଣି ପ୍ରସାଦ ମିଶ୍ର, ଗୋପ ବିଡିଓ ଦୀପ୍ତିରାଣୀ ଦାସ, ଗୁଡଭେଲା ବିଡିଓ ସୂର୍ଯ୍ୟ କୁମାର ନାୟକ, କରଞ୍ଜିଆ ବିଡିଓ ଶିବାଶିଷ ବରାଳ, ବରଗଡ ତହସିଲଦାର ସବ୍ୟସାଚୀ ପଣ୍ଡା, କିଶୋରନଗର ତହସିଲଦାର ଲକ୍ଷ୍ମୀପ୍ରସାଦ ସାହୁଙ୍କୁ ନିଜ ନିଜ ସ୍ଥାନରେ କାର୍ଯ୍ୟ କରିବା ପାଇଁ ବିଜ୍ଞପ୍ତିରେ କୁହାଯାଇଛି।
