ଭୁବନେଶ୍ୱର,୨୭।୯(ବ୍ୟୁରୋ): ଓଡ଼ିଶା କ୍ରିକେଟ ଆସୋସିଏଶନ(ଓସିଏ) ନିର୍ବାଚନରେ ଭୋଟ ଦେଇଛନ୍ତି ଆଶୀର୍ବାଦ ବେହେରା। ବାଲଟ ପେପରରେ ସେ ଭୋଟ ଦେଇଥିବା ଜଣାପଡ଼ିଛି।
ଓସିଏର ପୂର୍ବତନ ସମ୍ପାନଦ ଆଶୀର୍ବାଦ ଗତ ୧୯ ତାରିଖରେ ଅର୍ଥତତ୍ତ୍ୱ ଚିଟ୍ଫଣ୍ଡ ଠକେଇ ମାମଲାରେ ଗିରଫ ହୋଇଛନ୍ତି। ହେଲେ ସେ ନିର୍ବାଚନରେ ଭୋଟ ଦେବାକୁ ଚାହିଁଥିଲେ। ହେଲେ ସେ ଓସିଏରେ ସଦସ୍ୟ ଥିବା ଓ ପୁଅ ସଞ୍ଜୟ ନିର୍ବାଚନରେ ଲଢ଼ୁଥିବାରୁ ତାଙ୍କୁ ବ୍ୟକ୍ତିଗତ ଭାବେ ଭୋଟଦେବା ଲାଗି ଅନୁମତି ଦେବାକୁ ସେ ଝାରପଡ଼ା ଜେଲ କର୍ତ୍ତୃପକ୍ଷଙ୍କୁ ନିବେଦନ କରିଥିଲେ। ସେହିପରି ଓସିଏ ନିର୍ବାଚନ ଅଧିକାରୀ ୪ ବାଲାଟ ପେପର ଜେଲକୁ ପଠାଇଥିଲେ। ଜେଲ କର୍ତ୍ତୃପକ୍ଷ ଚିଠି ପାଇବା ପରେ କୋର୍ଟଙ୍କ ଅନୁମତି ମାଗିଥିଲେ। ଶେଷରେ ଆଶୀର୍ବାଦ ବ୍ୟକ୍ତିଗତ ଭାବେ ନୁହେଁ ବରଂ ବାଲାଟ ପେପରରେ ଭୋଟ ଦେଇପାରିବେ ବୋଲି କୋର୍ଟ ଅନୁମତି ଦେଇଥିଲେ। ତେବେ ସେ ଅସୁସ୍ଥ ଥିବାରୁ ଏସ୍ସିବି ବଡ଼ ମେଡିକାଲରେ ତାଙ୍କ ଚିିକିତ୍ସା କରାଯାଉଛି।
