ଢେଙ୍କାନାଳ ଅଫିସ, ୬।୫ – ଢେଙ୍କାନାଳର ଯୁବ ଅନୁଷ୍ଠାନ ବଜରଙ୍ଗ କ୍ଲବ ପକ୍ଷରୁ ହିନ୍ଦୋଳ ବ୍ଲକର ଦୁର୍ଗମ ଦଣ୍ଡିରି ପଞ୍ଚାୟତରେ ସହାୟତା ପହଞ୍ଚତ୍ଛି। କ୍ଲବର ନୂତନ ସଦସ୍ୟ ତଥା କଣ୍ଠଶିଳ୍ପୀ ଅସୀମା ପଣ୍ଡା ଗ୍ରାମବାସୀଙ୍କୁ ମାସ୍କ, ସାବୁନ ଓ ସାନିଟାଇଜର ବଣ୍ଟନ କରିଥିଲେ। କନକା ଗ୍ରାମବାସୀଙ୍କୁ ରନ୍ଧାଖାଦ୍ୟ ସମେତ ଚୁଡ଼ା, ଚିନି, ବିସ୍କୁଟ୍, ଡାଲି, ତେଲ, ଅଟା ସହ ଅନ୍ୟ ଅତ୍ୟାବଶ୍ୟକ ସାମଗ୍ରୀ ପ୍ରଦାନ କରାଯାଇଥିଲା। ଛୋଟ ପିଲାଙ୍କଠାରୁ ଆରମ୍ଭ କରି ବରିଷ୍ଠଙ୍କୁ ପୋଷାକ ଦିଆଯାଇଥିଲା। ଏଥିସହ କରୋନା ଭୂତାଣୁ ସଂକ୍ରମଣରୁ ରକ୍ଷା ପାଇବା ଲାଗି ରହିଥିବା ବିଭିନ୍ନ ଉପାୟ ସମ୍ପର୍କରେ ଗ୍ରାମବାସୀଙ୍କୁ ସଚେତନ କରାଯାଇଥିଲା।
ହିନ୍ଦୋଳ ବ୍ଲକ ଅଧ୍ୟକ୍ଷ ପ୍ରିୟରଞ୍ଜନ ମାହୁନ୍ତ, ସରପଞ୍ଚ ସନ୍ତୋଷ ସାହୁ, ସମିତିସଭ୍ୟା ଟୁନି ସାହୁ, ବଜରଙ୍ଗ କ୍ଲବ ସମ୍ପାଦକ ଶୁଭେନ୍ଦୁ ଷଡଙ୍ଗୀ, ସଦସ୍ୟ ଆକର୍ଷଣ ସିହ୍ନା, ସନ୍ଦୀପ ହିଣ୍ଡୋଚା, ବିନୋଦ ଅଗ୍ରଓ୍ବାଲ, ସୁବ୍ରତ ଦାସ, ମଳୟ ବିନ୍ଧାଣି, ସ୍ବର୍ଣ୍ଣଲକ୍ଷ୍ମୀ ପଣ୍ଡା, ଆକାଶ ପଣ୍ଡା, ବିଶ୍ୱଜିତ ବେହେରା, ସମ୍ବିତ ମହାପାତ୍ର ପ୍ରମୁଖ ସହଯୋଗ କରିଥିଲେ।
