ନୂଆଦିଲ୍ଲୀ,୧୨ା୮: ବେନାମୀ ସମ୍ପତ୍ତି ରଖିବା ମାମଲାରେ ଆୟକର ବିଭାଗ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଳନାଥଙ୍କ ପୁତୁରା ରାତୁଲ ପୁରୀଙ୍କର ୩୦୦ କୋଟି ଟଙ୍କାର ବଙ୍ଗଳା ସମେତ ୪୦ ନିୟୁତ ଡଲାର ମୂଲ୍ୟର ବିଦେଶୀ ପ୍ରତ୍ୟକ୍ଷ ପୁଞ୍ଜିନିବେଶ (ଏଫ୍ଡିଆଇ)କୁ ଜବତ କରିଛି। ଆୟକର ବିଭାଗ ଗତ ଏପ୍ରିଲରେ ଚଢ଼ାଉ କରି ରାତୁଲ ୧୩୫୦ କୋଟି ଟଙ୍କାର ଟିକସ ଫାଙ୍କିଥିତ୍ବା ଜାଣିବାକୁ ପାଇଥିଲା। ଦିଲ୍ଲୀର ଗୁରୁତ୍ୱପୂର୍ଣ୍ଣ ଲୁଟେନ୍ସ ଜୋନ୍ରେ ଥିବା ୨୭ଏ, ଏପିଜେ ଅବ୍ଦୁଲ୍ କଲାମ ରୋଡ୍ରେ ରାତୁଲଙ୍କର ବଙ୍ଗଳା ରହିଛି। ଏହାବ୍ୟତୀତ ଅଗୁସ୍ତା ଓ୍ବେଷ୍ଟଲାଣ୍ଡ ହେଲିକପ୍ଟର କିଣା ଦୁର୍ନୀତିରେ ମଧ୍ୟ ରାତୁଲ ସମ୍ପୃକ୍ତ ରହିଛନ୍ତି। ଏହି କାରବାରରେ ମନିଲଣ୍ଡରିଂ ମାମଲାରେ ରାତୁଲଙ୍କ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ତଦନ୍ତ ଚଳାଇଛି।
