ପୁଣେ,୨୮।୩: ଦେଶର ବିପତ୍ତି ସମୟରେ ଏବେ କରୋନା ଯୋଦ୍ଧା ସାଜିଥିବା ନର୍ସଙ୍କ ସହ ସିଧାସଳଖ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଶୁକ୍ରବାର ଅପରାହ୍ନରେ ପ୍ରଧାନମନ୍ତ୍ରୀ ପୁଣେ, ନାଇଡୁ ହସ୍ପିଟାଲର ଜଣେ ସିନିଅର ନର୍ସଙ୍କ ପର୍ସନାଲ ନମ୍ବରକୁ ଫୋନ୍ କରି କଥା ହୋଇଛନ୍ତି। ଏହି ସମୟରେ କରୋନା ସଂକ୍ରମିତଙ୍କ ଚିକିତ୍ସା କରୁଥିବା ନର୍ସଙ୍କୁ ସେ ଧନ୍ୟବାଦ୍ ଜଣାଇବା ସହ ସେମାନଙ୍କର ପ୍ରଶଂସା କରିଛନ୍ତି। ସୂଚନାଯୋଗ୍ୟ, ନାଇଡୁ ହସ୍ପିଟାଲରେ ଚିକିତ୍ସିତ ହେଉଥିବା କରୋନା ସଂକ୍ରମଣଙ୍କ ସେବାରେ ଲାଗିଛନ୍ତି ପ୍ରାୟ ୬୦ ନର୍ସ। ଗୁରୁବାର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏମାନଙ୍କ ବିଷୟରେ କିଛି ତଥ୍ୟ ସଂଗ୍ରହ କରାଯାଇଥିଲା। ଆଉ ଶୁକ୍ରବାର ଏଠାରେ ପ୍ରାୟ ୨୦ ବର୍ଷ ହେବ କାମ କରୁଥିବା ନର୍ସ ଛାୟା ଜଗପାତଙ୍କ ସହ ମୋଦି ସିଧାସଳଖ କଥା ହୋଇ ଧନ୍ୟବାଦ ଜଣାଇବା ପରେ କରୋନା ସଂକ୍ରମିତଙ୍କ ଚିକିତ୍ସା ପାଇଁ ଏମାନଙ୍କର ମନୋବଳ ଆହୁରି ଦୃଢ ହୋଇଛି ବୋଲି କୁହାଯାଉଛି।
