କୁଇନ୍ସଲାଣ୍ଡ,୨୨ା୨(ପି.ଟି.) କରୋନା ଭୂତାଣୁ ସଂକ୍ରମଣ ରୋକିବା ପାଇଁ ଟିକା ବାହାର କରିବାରେ ଅଷ୍ଟ୍ରେଲିଆର ବିଶ୍ୱବିଦ୍ୟାଳୟର ଏକ ଟିମ୍କୁ ସଫଳତା ମିଳିଛି। ଏହି ଟିମ୍ ଗବେଷଣାଗାରରେ ପ୍ରସ୍ତୁତ କରିଥିବା ପ୍ରଥମ ଟିକାର ଚୂଡାନ୍ତ ଯାଞ୍ଚ ପରେ ପ୍ରି-କ୍ଲିନିକାଲ ପରୀକ୍ଷା ପାଇଁ ପଠାଯାଇଛି। ଜାନୁୟାରୀ ୨୪ରେ ଏହି ପ୍ରୋଜେକ୍ଟ ଘୋଷଣା ହୋଇଥିଲା। ୩ ସପ୍ତାହ ମଧ୍ୟରେ ଟିମ୍କୁ ବଡ଼ ସଫଳତା ମିଳିଥିବା ବିଶ୍ୱବିଦ୍ୟାଳୟର କୁଳପତି ପ୍ରଫେସର ପିଟର ହଜ୍ କହିଛନ୍ତି। ଚାଇନାରେ କରୋନା ସଂକ୍ରମଣ ଜନିତ ମୃତ୍ୟୁସଂଖ୍ୟା ୨୨୩୬ରେ ପହଞ୍ଚତ୍ଥିବାବେଳେ ଆକ୍ରାନ୍ତଙ୍କ ସଂଖ୍ୟା ୭୫ ହଜାର ଟପିଲାଣି। ସେଠାରେ ଥିବା ବିଭିନ୍ନ ଜେଲ୍ରେ ୫୦୦ରୁ ଅଧିକ କରୋନା ରୋଗୀ ଚିହ୍ନଟ ହେବା ପରେ କେତେଜଣ ଜେଲ୍ ଅଧିକାରୀଙ୍କୁ ବହିଷ୍କାର କରାଯାଇଛି। ହଂକଂରେ କରୋନା ସଂକ୍ରମିତ ସହକର୍ମୀଙ୍କ ସହ ଏକାଠି ଖାଇଥିବା ୫୯ ପୋଲିସଙ୍କୁ କ୍ୱାରେଣ୍ଟାଇନରେ ରଖାଯାଇ ଚିକିତ୍ସା କରାଯାଉଛି।
