ନ୍ୟୁୟର୍କ,୨୪।୫: ଆମେରିକା ସରକାରଙ୍କ ମୁଣ୍ଡ ବିଗାଡିଲାଣି କରୋନା ଭାଇରସ। ଏଠାରେ କରୋନା ଭାଇରସ ସଂକ୍ରମଣ ଦିନକୁ ଦିନ ବୃଦ୍ଧି ପାଉଥିବା ବେଳେ ମୃତକଙ୍କ ସଂଖ୍ୟା ମଧ୍ୟ କିଛି କମ୍ ନାହିଁ। ଏବେ ଆମେରିକାରେ କରୋନା ସଂକ୍ରମିତଥିବା ପାଖାପାଖି ୧ଲକ୍ଷ ଲୋକଙ୍କ ମୃତ୍ୟୁ ହୋଇଛି। ତେଣୁ ଏହି ମହାମାରୀର ଭୟାବହତାକୁ ବୁଝାଇବାକୁ ଓ ଜନସାଧାରଣଙ୍କ ମଧ୍ୟରେ ସଚେତନତା ସୃଷ୍ଟି କରିବାକୁ ଆମେରିକାର ପ୍ରମୁଖ ଖବର କାଗଜ ଦ ନ୍ୟୁ ୟର୍କ ଟାଇମନ୍ସ ତା’ର ପ୍ରଥମ ପୃଷ୍ଠାରେ ଆମେରିକାରେ କରୋନା ସଂକ୍ରମଣରେ ହୋଇଥିବା ମୃତକଙ୍କ ନାମ ଛାପିଥିବା ଦେଖଯାଇଛି। ଏଥିରେ ନା କୌଣସି ଗ୍ରାଫିକ୍ସ ନା ବିଜ୍ଞାପନ କିଛି ବି ନାହିଁ। ଏହାର ଶୀର୍ଷକରେ ଲେଖାଯାଇଛି, ଆମେରିକାରେ ପାଖାପାଖି ୧ଲକ୍ଷ ମୃତ୍ୟୁ,ଅକଳ୍ପନୀୟ କ୍ଷତି। ସୂଚନାଯୋଗ୍ୟ, ଉକ୍ତ ଖବର କାଗଜର ସମ୍ପାଦକ ଆମେରିକାରେ କରୋନା ଭାଇରସକୁ ନେଇ ଦେଖାଦେଇଥିବା ଭୟାବହ ସ୍ଥିତିକୁ ଦେଖାଇବାକୁ ଚାହୁଁଥିଲେ ଭିନ୍ନ ଢଙ୍ଗରେ। ସେଥିପାଇଁ ସେ ଏପରି କରିଛନ୍ତି ବୋଲି ଜଣାପଡିଛି।
