କରାଚୀ,୧୩।୩(ପି.ଟି.)- ତିନି ଇଂଲଣ୍ଡ ଖେଳାଳି ଜାସନ ରୟ, ଆଲେକ୍ସ ହେଲ୍ସ ଓ ଜେମ୍ସ ଭିନ୍ସଙ୍କ ସମେତ ୯ ଜଣ ବିଦେଶୀ ଖେଳାଳି ଚଳିତ ପାକିସ୍ତାନ ସୁପର ଲିଗ୍ (ପିଏସ୍ଏଲ) ଛାଡ଼ି ଘରକୁ ଫେରିବାକୁ ନିଷ୍ପତ୍ତି ନେଇଛନ୍ତି। କରୋନା ଭାଇରସ ବ୍ୟାପୁ ଥିବାରୁ ସେମାନେ ଏଭଳି କରୁଛନ୍ତି। କିନ୍ତୁ ପିଏସ୍ଏଲ ଜାରି ରହିବ ବୋଲି ପାକିସ୍ତାନ କ୍ରିକେଟ ବୋର୍ଡ (ପିସିବି) ପକ୍ଷରୁ କୁହାଯାଇଛି। ପିଏସ୍ଏଲ ଓହରିଥିବା ଖେଳାଳିଙ୍କ ତାଲିକାରେ ଲିଆମ ଡାଓ୍ବସନ, ଲିଆମ ଲିଭଙ୍ଗଷ୍ଟୋନ, ଲଓ୍ବେିସ ଗ୍ରେଗୋରି, ଜେମ୍ସ ଭିନ୍ସ, ଓ୍ବେଷ୍ଟଇଣ୍ଡିଜର କାର୍ଲୋସ ବ୍ରାଥଓ୍ବେଟ, ଦକ୍ଷିଣ ଆଫ୍ରିକାର ରିଲେ ରୁସୋ ଓ କୋଚ୍ ଜେମ୍ସ ଫୋଷ୍ଟର ରହିଛନ୍ତି। ତେବେ ଏପର୍ଯ୍ୟନ୍ତ କୌଣସି ଖେଳାଳି କିମ୍ବା ଅଫିସିଆଲଙ୍କ ରିପୋର୍ଟ ପଜେଟିଭ ଆସିନାହିଁ। ବୋର୍ଡ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛି। ପିଏସ୍ଏଲର ମ୍ୟାଚ୍ଗୁଡ଼ିକ ଏବେ ରୁଦ୍ଧ ଷ୍ଟାଡିୟମରେ ଖେଳାଯିବ।
