ଭଣ୍ଡାରିପୋଖରୀ,୧୪ା୫(ଡି.ଏନ୍.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ତେସିଙ୍ଗା ପଞ୍ଚାୟତର ସରପଞ୍ଚ ସଂଗୀତା ଖଣ୍ଡେଇଙ୍କ ତତ୍ତ୍ୱାବଧାନରେ କରୋନା ମହାମାରୀ ପରିପ୍ରେକ୍ଷୀରେ ଏକ ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କୁଲଣାସ୍ଥିତ କ୍ୱାରାଣ୍ଟାଇନ୍ ଶିବିରରେ ଥିବା ପ୍ରବାସୀମାନଙ୍କ ପାଇଁ ଅଙ୍ଗନଓ୍ବାଡ଼ି, ଆଶା କର୍ମୀ,ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ, ସିଆରସିସି,ନୋଡାଲ ଅଧିକାରୀମାନେ କାର୍ଯ୍ୟରେ ଲାଗିଛନ୍ତି। ପ୍ରାରମ୍ଭରେ ସରପଞ୍ଚ ଖଣ୍ଡେଇ ସମସ୍ତ କର୍ମଚାରୀଙ୍କୁ ନିଷ୍ଠାର ସହ କାମ କରୁଥିବାରୁ ପ୍ରଶଂସା ସହ ସାଧୁବାଦ ଜଣାଇଥିଲେ। ପଞ୍ଚାୟତରେ ମହାମାରୀ କରୋନା ରୋକିବା ପାଇଁ ଦିଆଯାଇଥିବା ଦାୟିତ୍ୱ ନିଷ୍ଠାର ସହ ପାଳନ କରିବା ବାର୍ତ୍ତା ନେଇ ସରପଞ୍ଚ ସମସ୍ତଙ୍କୁ ଶପଥ ପାଠ କରାଇଥିଲେ। ଶପଥ ପାଠ ଉତ୍ସବରେ ମନୋଜ ମିଶ୍ର, ଅଜିତ ବେହେରା, ଜୟ ପ୍ରକାଶ ସାହୁ, ଯଶୋବନ୍ତ ସେନାପତି, ସିଆରସିସି, ଶିକ୍ଷକ,ଅଙ୍ଗନଓ୍ବାଡି, ଆଶା କର୍ମୀ୍ମାନଙ୍କୁ ସରପଞ୍ଚ ଶପଥ ପାଠ କରାଇଥିଲେ। କାର୍ଯ୍ୟକ୍ରମକୁ ରାଜେନ୍ଦ୍ର ଖଣ୍ଡେଇ ସଂଯୋଜନା କରିଥିଲେ।
