କଲମପୁର,୩୧।୮(ଡି.ଏନ.ଏ.)
କଳାହାଣ୍ଡି ଜିଲା କଲମପୁର ବ୍ଲକ ପରିସରରେ ଶୁକ୍ରବାର ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । କଲମପୁର ବିଡିଓ ହେମ ସାଗର ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଭିନ ପଞ୍ଚାୟତରୁ ବହୁ ଭିନ୍ନକ୍ଷମ ଉପସ୍ଥିତ ଥିଲେ। ଅନଲାଇନ ମାଧ୍ୟମରେ ୩୭୩ ଜଣ ଭିନ୍ନକ୍ଷମ ଫର୍ମ ଆବେଦନ କରିଥିଲେ । ୧୨୭ ଜଣଙ୍କୁ ମାନପତ୍ର ପ୍ରଦାନ କରାଯାଇଥିଲା। ୯୦ ଜଣ ହିତାଧିକାରୀ ନୂତନ ଭବେ ଅନଲାଇନ କରିଥିବା ବେଳେ ବସ ଏବଂ ଟ୍ରେନ ପାସ୍ ପାଇଁ ୨୭ ଜଣ ଆବେଦନ କରିଥିଲେ । ପେନସନ ପାଇଁ ୧୦ ଜଣ ଆବେଦନ କରିଥିଲେ । ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ ୨୯ ଜଣ ଏବଂ କର୍ମନିଯୁକ୍ତି ଆବେଦନ ପାଇଁ ୨୫ ଜଣ ଆବେଦନ କରିଛନ୍ତି । କାର୍ଯ୍ୟକ୍ରମରେ ମଣ୍ଡଳ ଗ୍ରାମ ପଞ୍ଚାୟତ ଲାଟିଗାଁର ରାଜ ଝାଙ୍କରକୁ ଗୋଟିଏ ହ୍ୟୁଲ ଚେୟାର ପ୍ରଦାନ କରାଯାଇଥିଲା । ଏହି ଶିବିରରେ ଜିଲା ଚିକିତ୍ସାଳୟରୁ ବହୁ ବିଭାଗୀୟ ଡାକ୍ତର ଉପସ୍ଥିତ ରହି ଭିନ୍ନକ୍ଷମମାନଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ । ଅନୁଷ୍ଠିତ କାର୍ଯ୍ୟକ୍ରମରେ ଡା. ଏସକେ ପାଢ଼ୀ, ନିବେଦିତା ସାହୁ, ପିକେ ପଟ୍ଟନାୟକ, ପିକେ ପଣ୍ଡା, ବାଦଲ କୁମାର ପଟ୍ଟନାୟକ, ରମେଶ ଜେନା, ନିବାସ ଚନ୍ଦ୍ର ସାହୁ ପ୍ରମୁଖ ଉପସ୍ଥିତ ରହିଥିଲେ। ଭୀମଭୋଇ ସାମର୍ଥ୍ୟ ଶିବିରରେ କଲମପୁର ବ୍ଲକ ସିଡିପିଓ ନିୟତିବାଲା ସୁରେନ, ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ କରୁଣାକର ବାଗ, ବ୍ଲକ ସାମାଜିକ ସୁରକ୍ଷା ଅଧିକାରୀ ଲକ୍ଷ୍ମଣ ହରିଜନ, ବରିଷ୍ଠ ରାଜସ୍ବ ସହାୟକ ଭ୍ରୁଷବ ନାଏକ, କନିଷ୍ଠ ସହାୟକ ରବୀନ୍ଦ୍ର ବେହେରା, ଶିକ୍ଷକ ବିନୋଦ ପଟ୍ଟନାୟକ, ଶିକ୍ଷକ ସୁବ୍ରତ ବେହେରା, ପ୍ରୋଗ୍ରାମ ସହାୟକ ପୂର୍ଣ୍ଣଚନ୍ଦ୍ର ମାଝି, ଅଫିସର ନାୟକ, ରାଜେନ୍ଦ୍ର ରାଉତ, ଜଗନ୍ନାଥ ନାଏକ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।
