ପାରାଦୀପ,୧୩ା୧୧(ସ୍ବ.ପ୍ର.): ପାରାଦୀପ କଳିଙ୍ଗ ବାଲିଯାତ୍ରା ମହୋତ୍ସବ ମଙ୍ଗଳବାର ୨ୟ ଦିନରେ ପହଞ୍ଚତ୍ଛି। ଏଥିରେ ବାତ୍ୟା ବୁଲ୍ବୁଲ୍ର ପ୍ରଭାବ ଦେଖିବାକୁ ମିଳିଛି। ବାତ୍ୟାରେ ଭୁଶୁଡ଼ି ପଡ଼ିଥିବା ଷ୍ଟଲଗୁଡ଼ିକର ପୁନରୁଦ୍ଧାର କରାଯାଉଥିଲେ ମଧ୍ୟ ୨ୟ ସନ୍ଧ୍ୟା ସୁଦ୍ଧା ପୂର୍ଣ୍ଣ ପ୍ରସ୍ତୁତି ହୋଇପାରିନାହିଁ। ଫଳରେ ମହୋତ୍ସବ ଆରମ୍ଭ ହୋଇଥିଲେ ହେଁ ଷ୍ଟଲରେ ବ୍ୟବସାୟୀଙ୍କ କାରବାର ମାନ୍ଦା ରହିଛି। ସେହିପରି ଅର୍ଦ୍ଧାଧିକ ଷ୍ଟଲ ଏ ପର୍ଯ୍ୟନ୍ତ ଖୋଲି ପାରିନାହିଁ। ବିଶେଷକରି ଖାଇବା ଷ୍ଟଲଗୁଡିକ ଫାଙ୍କା ପଡ଼ିଛି। କାର୍ତ୍ତିକ ପୂର୍ଣ୍ଣିମା ଓ ମଙ୍ଗଳବାର ହୋଇଥିବାରୁ ବେପାର ହେଉନାହିଁ ବୋଲି ଫାଷ୍ଟଫୁଡ୍ ବ୍ୟବସାୟୀ ରିୟାଜ ଖାନ କହିଛନ୍ତି। ବୁଧବାରଠାରୁ ବେପାର ଭଲ ହେବ ବୋଲି ସେ ଆଶାବାଦୀ ଅଛନ୍ତି। ବାଲିଯାତ୍ରା ମଞ୍ଚରେ ସ୍ଥାନୀୟ କଳକାରମାନେ ନୃତ୍ୟଗୀତ ଆଦି ପରିବେଷଣ କରିଥିଲେ। ଜଗନ୍ନାଥ ଲଳିତକଳା ମଣ୍ଡପର ନୃତ୍ୟ, ଅରଣ୍ୟଡ୍ୟାନ୍ସ ଗ୍ରୁପ୍ର ନୃତ୍ୟ, ବଜ୍ରକାଳୀ ଭଜନ ସନ୍ଧ୍ୟାର ଭଜନ, ଇଫକୋ ଡିଏଭି ସ୍କୁଲ ଛାତ୍ରୀଛାତ୍ରଙ୍କ ନୃତ୍ୟ ସନ୍ଧ୍ୟା ୭ଟା ପର୍ଯ୍ୟନ୍ତ ଚାଲିଥିଲା। ପରେ ବିଶିଷ୍ଟ ନୃତ୍ୟଶିଳ୍ପୀ ଇଲିୟାନା ସିସ୍ତାରିସ୍ତଙ୍କ ଦ୍ୱାରା ଓଡ଼ିଶୀ ନୃତ୍ୟ ପରିବେଷଣ କରାଯାଇଥିଲା। ଏହା ଦର୍ଶକଙ୍କୁ ବେଶ୍ ଆକୃଷ୍ଟ କରିଥିଲା। ଶେଷର ମେଲୋଡ଼ି ପରିବେଷଣ କରାଯାଇଥିଲା। ମଞ୍ଚରେ ୧୫ ମିନିଟ୍ ପାଇଁ ସାଂସ୍କୃତିକ ସଭା କାର୍ଯ୍ୟ ହୋଇଥିଲା।
