ନୂଆଦିଲ୍ଲୀ,୨୯।୮: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଗୁରୁବାର ଲେହ ଗସ୍ତ କରିଛନ୍ତି। ସେଠାରେ ସେ ଏକ ସଭାକୁ ଉଦ୍ବୋଧନ ଦେବା ବେଳେ ପାକିସ୍ତାନକୁ ଟାର୍ଗେଟ କରିଛନ୍ତି। ସେ କହିଛନ୍ତି, କଶ୍ମୀର କେବେ ପାକିସ୍ତାନର ଥିଲା ଯେ ଆଜି ସେ କଶ୍ମୀର ପାଇଁ କାନ୍ଦୁଛି? କଶ୍ମୀର ପ୍ରସଙ୍ଗରେ ପାକିସ୍ତାନ ମୁଣ୍ଡ ପୁରାଇବା ଉଚିତ ନୁହେଁ ବୋଲି ରାଜନାଥ କହିଛନ୍ତି। ସେ ଆହୁରି ମଧ୍ୟ ପାକିସ୍ତାନକୁ ଟାର୍ଗେଟ କରି କହିଛନ୍ତି, ପାକିସ୍ତାନର ଅସ୍ତିତ୍ୱ ଅଛି ବୋଲି ଆମେ ତାକୁ ସମ୍ମାନ କରୁଛେ। ଏହାର ଅର୍ଥ ନୁହେଁ ସେ କଶ୍ମୀର ମାମଲାରେ ମୁଣ୍ଡ ଖେଳାଇବ। ଏବେ ଯଦି କଥା ହେବାର ଅଛି ତେବେ କେବଳ ପିଓକେକୁ ନେଇ ପାକିସ୍ତାନ କଥା ହେଉ ବୋଲି ସେ କହିଛନ୍ତି।
