ଡଗ୍ ଏବଂ କ୍ୟାଟ୍ ଥେରାପି ସମ୍ପର୍କରେ ଜାଣିଥିବେ। କିନ୍ତୁ କାଓ ଥେରାପି ସମ୍ପର୍କରେ ଜାଣିଛନ୍ତି କି, ଯଦି ନା ତେବେ ଜାଣନ୍ତୁ ଏ ସମ୍ପର୍କରେ…
ୟୁରୋପରେ କାଓ ଥେରାପି ବହୁ ଲୋକପ୍ରିୟ ବୋଲି ପୂର୍ବରୁ ଜାଣିଛନ୍ତି। କିନ୍ତୁ ବର୍ତ୍ତମାନ ଆମେରିକାରେ ମଧ୍ୟ ଏପରି ଦେଖିବାକୁ ମିଳିଛି। କାଓ ଥେରାପି କରିବାକୁ ହେଲେ ଜଣେ ମହିଳାଙ୍କୁ ଗୋଟିଏ ଘଣ୍ଟା ପାଇଁ ୭୫ ଡଲାର ଅର୍ଥାତ ଭାରତୀୟ ମୁଦ୍ରାରେ ପ୍ରାୟ ୫ ହଜାର ୨୦୦ ଟଙ୍କା ଖର୍ଚ୍ଚ କରିବାକୁ ପଡ଼ିବ। ଏପରି କଲେ ମାନସିକ ଅବସାଦ ଦୂର ହୋଇଥାଏ। ନ୍ୟୁୟର୍କର ୩୩ ଏକର ପରିମିତି ଜାଗାରେ ନିର୍ମିତ ମାଉଣ୍ଟେନ୍ ହାଉସ ଫାର୍ମରେ ଏବେ ଏହି ସୁବିଧା ଉପଲବ୍ଧ ହେଉଛି। ଉକ୍ତ ଫାର୍ମରେ ୯ ବର୍ଷ ତଳେ ଘୋଡ଼ାଙ୍କ ସହିତ ଓ୍ବେଲ୍ନେସ୍ ସେସନ ଚାଲିଥିଲା। ବର୍ତ୍ତମାନ କାଓ ଥେରାପି ଚାଲିଛି। ସୁଇଜରଲ୍ୟାଣ୍ଡ ଏବଂ ନେଦରଲାଣ୍ଡରେ ଦୁଃଖ ଦୂର ପାଇଁ କାଓ ଥେରାପି ସେସନ ଚାଲିଛି। ଫାର୍ମର ମାଲିକ ସୁଜନ ମୁଲର୍ସ କୁହନ୍ତି, ମହିଳାଙ୍କ ଆଗ୍ରହକୁ ଦୃଷ୍ଟିରେ ରଖି ଫାର୍ମକୁ ଆଉ ଦୁଇଟି ଗାଈ ନେଦରଲାଣ୍ଡରୁ ମଗାଯାଇଛି। ଗାଈର ଶାନ୍ତ ବ୍ୟବହାର ମହିଳାଙ୍କୁ ରିଲାକ୍ସ କରିଥାଏ। ଗୋଟିଏ ଶାନ୍ତ ଗାଈ ସହ କିଛି ସମୟ କାଟିଲେ ସମସ୍ତ ଦୁଃଖ ଦୂର ହୋଇଥାଏ। ଗାଈଙ୍କୁ ଗେହ୍ଲା କଲେ ବା ଆଉଁସିଲେ ମହିଳାଙ୍କୁ ଖୁବ୍ ଭଲ ଲାଗିଥାଏ। ସୁଜନ କୁହନ୍ତି, ତାଙ୍କ ଫାର୍ମରେ କାଓ ଥେରାପି ପାଇଁ ଦୁଇଟି ସେସନ ଚାଲିଛି। ଏଥିପାଇଁ ବହୁ ମହିଳା ତାଙ୍କ ଫାର୍ମକୁ ଆସୁଛନ୍ତି।
