ଭୁବନେଶ୍ୱର,୯ା୧୨(ବ୍ୟୁରୋ): ସାରା ଦେଶରେ ଓଡ଼ିଶା ଅନ୍ୟତମ ପ୍ରମୁଖ କାଜୁ ବାଦାମ ଉତ୍ପାଦନ କରୁଥିବା ରାଜ୍ୟ। କାଜୁ ପୁଷ୍ଟିସାର ଜାତୀୟ ଖାଦ୍ୟ ହୋଇଥିବାରୁ ଏହାର ଦେଶ,ବିଦେଶରେ ଚାହିଦା ରହିଛି। ତେଣୁ ଏହା ସ୍ଥିର ଅର୍ଥନୈତିକ ଫାଇଦା ଦିଗ ରହିଥିବାରୁ କାଜୁ ଉତ୍ପାଦନ, ପ୍ରକ୍ରିୟାକରଣ ଏବଂ ରପ୍ତାନିକୁ ଗୁରୁତ୍ୱ ଦିଆଯାଉଛି। ଓଡ଼ିଶା ସମେତ ଦେଶରେ କାଜୁ ଉତ୍ପାଦନ କରୁଥିବା ରାଜ୍ୟର ପ୍ରତିନିଧି, କେନ୍ଦ୍ରୀୟ ବିଶେଷଜ୍ଞଙ୍କୁ ନେଇ ଚଳିତ ମାସ ୨୩ରେ ଭୁବନେଶ୍ୱରରେ ଏକ ସମ୍ମିଳନୀ ହେବାକୁ ଯାଉଛି। ଏଥିରେ ମହାରାଷ୍ଟ୍ର, କେରଳ, ଆନ୍ଧ୍ର ପ୍ରଦେଶ, ତେଲେଙ୍ଗାନା, କର୍ନାଟକ, ତାମିଲନାଡୁ, ଗୋଆ ଏବଂ ପଶ୍ଚିମ ବଙ୍ଗ ପ୍ରତିନିଧିଗଣ ଯୋଗଦେବେ। ରାଜ୍ୟରେ ଗଞ୍ଜାମ ଏବଂ ପୁରୀରେ କାଜୁ କଷ୍ଟର ରହିଛି। ଆଗାମୀ ଦିନରେ ଖୋର୍ଦ୍ଧା ଏବଂ ଗଜପତିରେ ନୂଆ କଷ୍ଟର ଖୋଲିବା ପାଇଁ ଯୋଜନା କରାଯାଉଥିବା ଜଣାପଡିଛି।
ଉଲ୍ଲେଖଯୋଗ୍ୟ, ଓଡ଼ିଶାରେ କାଜୁ ଶିଳ୍ପର ବିକାଶ ଏବଂ ବିପଣନକୁ କେନ୍ଦ୍ର ପକ୍ଷରୁ ମଧ୍ୟ ଗୁରୁତ୍ୱ ଦିଆଯାଉଛି। ଖୁବ୍ଶୀଘ୍ର ଭୁବନେଶ୍ୱରରେ ଭାରତୀୟ କାଜୁ ରପ୍ତାନି ପ୍ରୋତ୍ସାହନ ପରିଷଦର ଆଞ୍ଚଳିକ କାର୍ଯ୍ୟାଳୟ ଖୋଲାଯିବ ବୋଲି ଜଣାପଡିଛି।
