କାଜୁ-୨କପ୍,ଚିନି-୧କପ୍
ପାଣି-ଅଧା କପ୍,ଘିଅ-୧ଚାମଚ
ଗୁଜୁରାତି ଗୁଣ୍ଡ-୧/୪ଚାମଚ
ପ୍ରସ୍ତୁତି ପ୍ରଣାଳୀ: ପ୍ରଥମେ ୨କପ୍ କାଜୁ ନେଇ ଭଲଭାବେ ଗ୍ରାଇଣ୍ଡିଂ କରନ୍ତୁ, ଯେପରି ଖଦଡ଼ିଆ ନ ରହେ ଧ୍ୟାନ ଦିଅନ୍ତୁ। ଏକ କଡ଼ାଇ ବସାଇ ସେଥିରେ ୧କପ୍ ଚିନି ସହ ଅଧା କପ୍ ପାଣି ଢାଳନ୍ତୁ। ମିଶ୍ରଣକୁ ଭଲ ଭାବେ ଘାଣ୍ଟି ଶିରା ପ୍ରସ୍ତୁତ କରନ୍ତୁ। ଏବେ ସେଥିରେ ଗ୍ରାଇଣ୍ଡିଂ କରି ରଖିଥିବା କାଜୁକୁ ପକାନ୍ତୁ। ପରେ ଘିଅ ଓ ଗୁଜୁରାତି ଗୁଣ୍ଡ ପକାଇ ଭଲ ଭାବେ ମିଶାନ୍ତୁ। ମିଶ୍ରଣଟିକୁ ବହଳିଆ ହେବା ପର୍ଯ୍ୟନ୍ତ ଘାଣ୍ଟନ୍ତୁ। ଏକ ବଟର୍ ପେପର୍ରେ ଅଳ୍ପ ଘିଅ ଲଗାଇ ମିଶ୍ରଣକୁ ବାହାର କରିଦିଅନ୍ତୁ। ଏହାକୁ ଗୋଲାକାର ଗୁଳା କରିଦିଅନ୍ତୁ ଏବଂ ଏହାକୁ ପତଳା ଭାବେ ବେଲି ଦିଅନ୍ତୁ। ଏହାକୁ ଆପଣ ନିଜ ଇଚ୍ଛା ମୁତାବକ ବିଭିନ୍ନ ଆକାରରେ କାଟନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ କାଜୁ କଟ୍ଲି। ଏହାକୁ ନିଜେ ଖାଇବା ସହ ପରିବାର ସଦସ୍ୟଙ୍କୁ ବି ଖୁଆନ୍ତୁ କିମ୍ବା ଏହାକୁ ଆକର୍ଷଣୀୟ କରିବା ଲାଗି ଉପରେ ସିଲ୍ଭର୍ ପେପର୍ କୋଟିଙ୍ଗ୍ ଦେଇ ଅନ୍ୟକୁ ଉପହାର ବି ଦେଇପାରିବେ।
