ମୋହନଗିରି,୭।୯(ଡି.ଏନ.ଏ.)
କଳାହାଣ୍ଡି ଜିଲା ମ.ରାମପୁର ବ୍ଲକ ଅନ୍ତର୍ଗତ ମୋହନଗିରିଠାରୁ ୫ କି.ମି. ଦୂର କନ୍ଧମାଳ ଜିଲା ସୀମାନ୍ତ କାଲିପୁସିଂ ନାଳରେ ଶୁକ୍ରବାର ପୁଣି ଏକ ଖତ ବୋଝେଇ ପିକଅପ୍ ଭ୍ୟାନ (ନଂ. ଓଡି୦୩ପି-୮୧୦୪) ଦୁର୍ଘଟଣା ଗ୍ରସ୍ତ ହୋଇଛି। ଚାଳକଙ୍କ ସହିତ ଉକ୍ତ ଗାଡିରେ ୪ ଜଣ ବସିଥିବା ବେଳେ କେହି ମୃତାହତ ହୋଇ ନ ଥିବା ଜଣାପଡଛି। ବଲାଙ୍ଗୀର ଗୋବିନ୍ଦ ପାତ୍ରଙ୍କ ନାମରେ ଗାଡିଥିବା ବୌଦ୍ଧ ଜିଲା ମସିଣାଗୁରାର ଯଶୋବନ୍ତ କର୍ମୀ ଗାଡି ମାଲିକ ବୋଲି ଜଣାପଡିଛି। ଗାଡି ଚାଳକଙ୍କ କହିବା ଅନୁସାରେ ଶୁକ୍ରବାର ଅପରାହ୍ନ ପ୍ରାୟ ୨ଟାରେ ମୋହନଗିରି ପଟୁ ଗାଡିରେ ଖତ ବୋଝେଇ କରି କନ୍ଧମାଳ ଜିଲାକୁ ଯାଉଥିଲା। ଅଳ୍ପ ପାଣି ଅସୁଥିବା ଦେଖି ଚାଳକ ଗାଡିକୁ ନାଳ ପାର କରୁଥିବା ବେଳେ ହଠାତ ପାହାଡିଆ ପାଣି ମାଡି ଅସିଥିଲା। ଫଳରେ ଗାଡି ଭାରସାମ୍ୟ ହରାଇ ତଳକୁ ଖସି ପଡିଥିଲା। ଗାଡିରେ ବସିଥିବା ସମସ୍ତେ ଡେଇଁ ପଡି ଜୀବନ ରକ୍ଷା କରିଥିଲେ। ସୂଚନାଯୋଗ୍ୟ ଯେ, ଗତ ଅଗଷ୍ଟ ୭ ତାରିଖରେ ଏହି ନାଳ ପାରି ହେଉଥିବା ସମୟରେ ଭାଷିଯାଇ ମୋହନଗିରିର ପୂର୍ବତନ ନାଏବ ସରପଞ୍ଚ ଉପେନ୍ଦ୍ର ମାଝିଙ୍କ ମୃତ୍ୟୁ ଘଟିଥିଲା ା
