ଶେରଗଡ଼,୨୨ା୬(ଡି.ଏନ୍.ଏ.): ଗଞ୍ଜାମ ଜିଲା ଶେରଗଡ଼ ଗସ୍ତରେ ଆସି ଶୁକ୍ରବାର ଜିଲାପାଳ ବ୍ଲକ କାର୍ଯ୍ୟ ସମୀକ୍ଷା କରିଥିଲେ। ଏଥିସହ କୃଷି ସରଞ୍ଜାମ ଯଥା ସାର, ବିହନ ଠିକଭାବେ ମହଜୁଦ ଅଛି ନା ନାହିଁ ପଚାରି ବୁଝିଥିଲେି। ଏ ନେଇ ଶନିବାର ବ୍ଲକ କୃଷି ବିଭାଗ ତପ୍ତର ହୋଇ ଉଠିଛି।
ଯାଞ୍ଚ ନିମନ୍ତେ କୃଷି ଓ ରାଜସ୍ବ ବିଭାଗ ପକ୍ଷରୁ ଏକ ଟିମ୍ ଗଠନ କରାଯାଇଥିଲା। ଉକ୍ତ ଟିମରେ ଶେରଗଡ଼ ତହସିଲଦାର ଡ. ଦୟାସିନ୍ଧୁ ପରିଡ଼ା ଓ ସହକାରୀ କୃଷି ଅଧିକାରୀ ସୁବ୍ରତ କୁମାର ବାରିକ, ପିତଳ ସହକାରୀ କୃଷି ଅଧିକାରୀ ବିଶ୍ୱନାଥ ବେହେରା କରି ବ୍ଲକର କରଡ଼ାକଣା ସେବା ସମବାୟ ସମିତି ଅଚାନକ ପରିଦର୍ଶନ କରିଥିଲେ। ଗୋଦାମ ଗୃହ ଯାଞ୍ଚ ସହ ବିହନ ସାର ଷ୍ଟକ ଦେଖିଥିଲେ। କେତେକ ଚାଷୀଙ୍କୁ ଭେଟି ସାର ମିଳୁଛି ନା ନାହିଁ ତାଙ୍କର ମତାମତ ନେଇଥିଲେ। ପରେ ପିତଳ ସେବା ସମବାୟ ସମିତି ପରିଦର୍ଶନ କରିଥିଲେ। ପରିଦର୍ଶନ ସମୟରେ ସାର, ବିହନ ରେଜିଷ୍ଟର ତଦନ୍ତ କରିଥିଲେ। କରଡ଼ାକଣାଠାରେ ସମ୍ପାଦକ ପ୍ରଫୁଲ୍ଲ କୁମାର ମଳିକ ଉପସ୍ଥିତ ଥିଲେ। ସାର ବିହନ ଯେପରି କଳା ବଜାର ନ ହୁଏ, ତହସିଲଦାର ପରିଡା ସେଥିପ୍ରତି ସଜାଗ ରହିବାକୁ ନିର୍ଦ୍ଦେଶ ଦେଇଥିଲେ।
