ମୁମ୍ବାଇ: ଏକ ଘରୋଇ ଟେଲିଭିଜନ ଚ୍ୟାନେଲରେ ପ୍ରସାରିତ ଲୋକପ୍ରିୟ ରିୟଲିଟି ଶୋ’ ‘କୌନ ବନେଗା କରୋଡପତି’ ଏବେ ଘରେ ଘରେ ବେଶ୍ ପରିଚିତ। ଏଥର ଏହାର ସିଜିନ୍ ୧୧କୁ ପୂର୍ବଭଳି ବଲିଉଡ୍ ବିଗ୍ ବି ଅମିତାଭ ବଚ୍ଚନ ହୋଷ୍ଟ କରୁଛନ୍ତି। ନିକଟରେ ଏହି ଶୋ’କୁ ଏମିତି ଜଣେ ଅତିଥି ଆସିଥିଲେ ଯାହାର ଫଟୋ ନିଜେ ଅମିତାଭ ତାଙ୍କ ଟୁଇଟରରେ ଶେୟାର କରିଛନ୍ତି। ତେବେ ସେହି ଅତିଥି ଜଣଙ୍କ ହେଉଛନ୍ତି ଗୋଟିଏ ବିଲେଇ। ଅମିତାଭ କେବିସି ସେଟ୍କୁ ଆସିଥିବା ବିଲେଇର ଫଟୋ ଶେୟାର କରିବା ପରେ ଏବେ ଏହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅମିତାଭ ସେହି ବିଲେଇର ଫଟୋ ସହ ଏକ କବିତା ମଧ୍ୟ ଲେଖିଛନ୍ତି। ଉକ୍ତ କବିତାରେ ସେ ଲେଖିଛନ୍ତି କେବିସି ମଞ୍ଚକୁ ବିଲେଇଟି ଖେଳିବାକୁ ଆସିଥିଲା, ହେଲେ ଫାଷ୍ଟେଷ୍ଟ ଫିଙ୍ଗର ଫାଷ୍ଟ ଆସିବା ପରେ ବିଲେଇଟି ଶୋଇ ପଡିଲା। ଅମିତାଭଙ୍କ ଏହି ପୋଷ୍ଟରେ ଅନେକ ମଜାଳିଆ କମେଣ୍ଟ ଆସୁଛି। ଏବେ ସୋସିଆଲ ମିଡିଆରେ ଆକ୍ଟିଭ ରହୁଥିବା ଅମିତାଭ ନିକଟରେ ଏକ ଛୋଟ ଝିଅର ଭିଡିଓ ଶେୟାର କରିବା ସହ ‘ବାଃ କ୍ୟା ବାତ ହୈ’ ବୋଲି ଲେଖିଥିଲେ। ଉକ୍ତ ଭିଡିଓରେ ଶିଶୁଟି ଏକ ପଞ୍ଜାବି ଗୀତରେ ଜବରଦସ୍ତ ଏକ୍ସପ୍ରେଶନ୍ ଦେଉଥିବା ଦେଖାଯାଇଥିଲା। ଆଉ ସେହି ଭିଡିଓକୁ ଲକ୍ଷେରୁ ଊର୍ଦ୍ଧ୍ୱ ଥର ଦେଖା ସରିଲାଣି।
