ବମ୍ବେ: ବର୍ତ୍ତମାନ ସମୟରେ ପରିବେଶ ପ୍ରଦୂଷଣ ମୁଖ୍ୟ ସମସ୍ୟାରେ ପରିଗଣିତ ହେଲାଣି। ଏହାକୁ ରୋକିବା ନିମନ୍ତେ ବୃକ୍ଷ ରୋପଣ କରିବା ଆବଶ୍ୟକ। ତେବେ ଅନେକ ସଚେତନ ନାଗରିକ ଏ ଦିଗରେ ପଦକ୍ଷେପ ନେଉଥିବା ବେଳେ କେବିସି-୫ର ବିଜେତା ସୁଶୀଲ କୁମାର ୭୦ ହଜାରରୁ ଅଧିକ ଗଛ ଲଗାଇ ଚର୍ଚ୍ଚାକୁ ଆସିଛନ୍ତି।
କେବିସିରୁ ୫ କୋଟି ଟଙ୍କା ଜିତିବା ପରେ ସୁଶୀଲ କିଛି ନିଆରା କରିବାକୁ ଭାବିଥିଲେ। ଶେଷରେ ବିହାରର ‘ଚମ୍ପାରଣ’ରେ ଉଜୁଡ଼ି ଯାଇଥିବା ଚମ୍ପା ଗଛ ବଣକୁ ପୁନର୍ବାର ଫେରାଇ ଆଣିବାକୁ ପ୍ରତିଶ୍ରୁତି ନେଇଥିଲେ। ଦୀର୍ଘ ଏକ ବର୍ଷ ଧରି ସତୁରୀ ହଜାର ଚମ୍ପା ଗଛ ଲଗାଇବା ଫଳରେ ସେଠାରେ ପୁର୍ବାବସ୍ଥା ଫେରିଆସଛି। ଏହା ପରେ ସେ ଏବେ ବର ଏବଂ ପିପଳି ଗଛ ଲଗାଇବା ଅଭିଯାନ ଆରମ୍ଭ କରିଛନ୍ତି।
ଏ ନେଇ ସେ କୁହନ୍ତି, ପୂର୍ବରୁ ଚମ୍ପାରଣ ଚମ୍ପକାରଣ୍ୟ ନାମରେ ଖ୍ୟାତ ଥିଲା, କାରଣ ଏଠାରେ ବିପୁଳ ପରିମାଣରେ ଚମ୍ପା ଗଛ ଦେଖିବାକୁ ମିଳୁଥିଲା। ମାତ୍ର ସେଠାରେ ଗୋଟିଏ ବି ଚମ୍ପା ଗଛ ଦେଖିବାକୁ ପାଇଲି ନାହିଁ। ଏଥିଯୋଗୁ ଗତ ବର୍ଷ ଚମ୍ପା ଗଛ ଲଗାଇବା ଅଭିଯାନ ଆରମ୍ଭ କରିଥିଲି। ୨୨ ଏପ୍ରିଲ ୨୦୧୮ରେ ଆରମ୍ଭ କରିଥିବା ଅଭିଯାନ ଏବେ ବଡ଼ ହେଲାଣି। ଇତିମଧ୍ୟରେ ୭୦ହଜାର ଚମ୍ପା ଗଛ ଲଗାଇବା ପରେ ଏକ ମାସ ମଧ୍ୟରେ ୯୪ଟି ପିପଳି ଏବଂ ୪ଟି ବରଗଛ ଲଗାଇସାରିଲେଣି।
