ରାୟଗଡ଼ା ଅଫିସ,୧।୨: କୋରାପୁଟ ଜିଲା କୋଟିଆ ପରେ ଏବେ ରାୟଗଡ଼ା ଜିଲାରେ ଜବରଦଖଲ ଉଦ୍ୟମ କରୁଛି ଆନ୍ଧ୍ର ସରକାର। ଆପୋସ ସମାଧାନ ପାଇଁ ଆନ୍ଧ୍ର ପ୍ରଶାସନିକ ଅଧିକାରୀଙ୍କୁ ଡକାଯାଇଥିଲେ ମଧ୍ୟ ସେମାନେ ଆସି ନ ଥିଲେ। ଏହାପରେ ଓଡ଼ିଶା ଅଧିକାରୀମାନେ ଉକ୍ତ ରାସ୍ତା କାମକୁ ବନ୍ଦ କରିଥିଲେ। ରାୟଗଡ଼ା ଜିଲା ସଦର ବ୍ଲକ ଦୁର୍ଗାପାଦୁ ପଞ୍ଚାୟତର ଆନ୍ଧ୍ର ସୀମାନ୍ତ ଗାଁ ପାଲାମ ତୁଳସୀ। ଏହି ଗାଁ ନିକଟ ୫୦୦ ମିଟର ଜମି ଜବରଦଖଲ କରି ଆନ୍ଧ୍ର ସରକାର ରାସ୍ତା ନିର୍ମାଣ କରୁଥିଲେ। ଖବରପାଇ ଓଡ଼ିଶା ସରକାରଙ୍କ ପକ୍ଷରୁ ତହସିଲଦାର ତାପସ ରାଉତ, ବ୍ଲକ ଅଧିକାରୀ ଲକ୍ଷ୍ମୀନାରାୟଣ ସାବତ, ଚାଷୀ ଏକତା ପରିଷଦ ସଦସ୍ୟମାନେ ସେଠାରେ ପହଞ୍ଚତ୍ ରାସ୍ତା କାମ ରୋକିଥିଲେ। ଜାନୁୟାରୀ ୩୧ରେ ସୀମା ଚିହ୍ନଟ କରାଯିବ। ଏଥିପାଇଁ ଉଭୟ ଆନ୍ଧ୍ର ଓ ଓଡ଼ିଶାର ଅଧିକାରୀମାନେ ଉପସ୍ଥିତ ରହିବାକୁ ସ୍ଥିର କରାଯାଇଥିଲା। କିନ୍ତୁ ମଙ୍ଗଳବାର ଆନ୍ଧ୍ର ଅଧିକାରୀମାନେ ଆସି ନ ଥିଲେ। ଓଡ଼ିଶାର ଅଶ୍ୱିନ କୁମାର ପଣ୍ଡା, ପଞ୍ଚାୟତ ଏକ୍ଜିକ୍ୟୁଟିଭ ଅଫିସର ବିଜୟ ନାୟକ, ସନ୍ତୋଷ ଦୋରା, ରାଜସ୍ବ ସୁପରଭାଇଜର ପି. ମଲିକାର୍ଜୁନ, ସମ୍ପାଦକ ପ୍ରୀତମ କୁମାର, କୋଟେଶ୍ୱର ଗାଣ୍ଟା ପ୍ରମୁଖ ସେଠାରେ ପହଞ୍ଚତ୍ଥିଲେ। ଅଧିକାରୀମାନେ ଓଡ଼ିଶା ସୀମା ଚିହ୍ନି ସେଠାରେ ଖୁମ୍ବ ପୋତିଛନ୍ତି। ଏନେଇ ବିଡିଓ ଲକ୍ଷ୍ମୀନାରାୟଣ ସାବତଙ୍କୁ ପଚାରିବାରୁ, ୧୦ ଦିନ ପୂର୍ବେ ଆନ୍ଧ୍ର ଅଧିକାରୀମାନେ ରାସ୍ତା ତିଆରି କରୁଥିଲେ। ଆମେ ଖବରପାଇ ସେଠାରେ ପହଞ୍ଚତ୍ଥିଲୁ। ୩୧ରେ ମାପ ପାଇଁ ସ୍ଥିର ହୋଇଥିଲା। କିନ୍ତୁ କେହି ଆସି ନ ଥିଲେ। ତେଣୁ ମ୍ୟାପ୍ ଦେଖି ଆମ ଜାଗା ଚିହ୍ନଟକରି ଆସିଲୁ ବୋଲି ସେ କହିଛନ୍ତି।
