ଲଣ୍ଡନ,୧୭।୪(ଏଏଫ୍ପି): ଲିଡ୍ସ କିମ୍ବଦନ୍ତୀ ତଥା ଇଂଲଣ୍ଡ ପୂର୍ବତନ ଫୁଟବଲର ନର୍ମାନ ହଣ୍ଟର ୭୬ ବର୍ଷରେ ମୃତ୍ୟୁବରଣ କରିଛନ୍ତି। କୋଭିଡ-୧୯ ସଂକ୍ରମଣ କାରଣରୁ ସେ ପରଲୋଗ ଗମନ କରିଛନ୍ତି ବୋଲି ଶୁକ୍ରବାର ତାଙ୍କ ପୂର୍ବତନ କ୍ଲବ ଲିଡ୍ସ ତରଫରୁ ସୂଚନା ଦିଆଯାଇଛି। କରୋନା ଭାଇରସ ସଂକ୍ରମଣ କାରଣରୁ ହଣ୍ଟରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା। ପରୀକ୍ଷାରେ ସେ ପଜିଟିଭ ବୋଲି ସ୍ପଷ୍ଟ ହୋଇଥିଲା। କିଛି ଦିନ ଚିକିତ୍ସିତ ହେବା ପରେ ସେ ପ୍ରାଣ ହରାଇଛନ୍ତି। ଏହା ନିଶ୍ଚିତ ଭାବେ ଏକ ଦୁଃଖ ଦାୟକ ଖବର ବୋଲି ଲିଡ୍ସ କ୍ଲବ କହିଛି। ଇଂଲଣ୍ଡର ଏହି ପୂର୍ବତନ ସେଣ୍ଟର ହାଫ୍ ୟର୍କସାୟାର ଲିଡ୍ସ କ୍ଲବ ତରଫରୁ ୭୨୬ଟି ମ୍ୟାଚ୍ ଖେଳି ୨୧ ଟି ଗୋଲ ସ୍କୋର କରିଥିଲେ। ୬୦ ଓ ୭୦ ଦର୍ଶକରେ ଅସାଧାରଣ ପ୍ରଦର୍ଶନ କରି ସେ ବିଶ୍ୱ ଫୁଟବଲ୍ରେ ନିଜର ପରିଚୟ ସୃଷ୍ଟି କରିଥିଲେ। ଲିଡ୍ସ ଓ ଇଂଲଣ୍ଡ ତରଫରୁ ଖେଳିବା ସହ ସେ ବ୍ରିଷ୍ଟଲ ସିଟି, ବାନର୍ସଲି ତରଫରୁ ମଧ୍ୟ ଖେଳି ବେଶ୍ ସଫଳ ହୋଇଥିଲେ। ନିଜ କ୍ୟାରିୟରରେ ସେ ଜଣେ ଉଚ୍ଚକୋଟୀର ସେଣ୍ଟର ହାଫ୍ ଓ ଡିଫେନ୍ସିଭ୍ ମିଡ୍ଫିଲ୍ଡର ଭାବେ ଜଣାଶୁଣା ଥିଲେ।
