ପାଟପୁର,୧୫ା୫(ଡି.ଏନ୍.ଏ.)- କୋଭିଡ୍-୧୯ ଆମ୍ବୁଲାନ୍ସରୁ ଓହ୍ଲାଇ ୨ ଅନ୍ତେବାସୀ ଗ୍ରାମ ନଳକୂପରୁ ପାଣି ପିଇବା ପରେ ଗଁା ସାନିଟାଇଜ୍ କରାଯାଇଛି। ଏଭଳି ଘଟଣା ଘଟିଛି ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ପାଟପୁର ଅଞ୍ଚଳରେ।
ଏକ କୋଭିଡ୍-୧୯ ଆମ୍ବୁଲାନ୍ସ ଗୁରୁବାର ମଧ୍ୟାହ୍ନରେ ସଙ୍ଗରୋଧ ଗୃହରୁ ୨ଜଣଙ୍କୁ ନେଇ ଯାଉଥିଲା। ଦୟାନିଧିପୁର ଗ୍ରାମ ନଳକୂପରୁ ସେମାନେ ଓହ୍ଲାଇ ପାଣି ପିଇଥିଲେ। କରୋନା ପଜିଟିଭ ବାହାରିବା ପରେ ସେମାନଙ୍କୁ କୋଭିଡ୍ ହସ୍ପିଟାଲକୁ ନିଆଯାଉଥିବା ଅନୁମାନ କରି ଗ୍ରାମବାସୀ ଭୟଭୀତ ହୋଇ ପଡିଥିଲେ। ବ୍ଲକ ଅଧ୍ୟକ୍ଷା ସଙ୍ଗୀତା ବେହେରାଙ୍କୁ ଫୋନ୍ କରି ଗଁାରେ ସଂକ୍ରମଣ ଭୟ ରହିଥିବା ନେଇ ଜଣାଇଥିଲେ। ପରେ ବ୍ଲକ ପ୍ରଶାସନ ସହାୟତାରେ ସାନଖେମୁଣ୍ଡି ଅଗ୍ନିଶମ ବାହିନୀ ଗଁାରେ ପହଞ୍ଚତ୍ ଦୟାନିଧିପୁର ଓ ବଢିଆଓସ୍ତା ଗ୍ରାମକୁ ସମ୍ପୂର୍ଣ୍ଣ ସାନିଟାଇଜ୍ କରିଥିଲା।
