ନୂଆଦିଲ୍ଲୀ,୩୧।୩(ପି.ଟି.)-କୋଭିଡ୍-୧୯ ମୁକାବିଲା ପାଇଁ ଟେବୁଲ ଟେନିସ ଫେଡେରେଶନ ଅଫ୍ ଇଣ୍ଡିଆ (ଟିଟିଏଫ୍ଆଇ) ୫ଲକ୍ଷ ଟଙ୍କା ଦାନ କରିଛି। ପ୍ରଧାନମନ୍ତ୍ରୀଙ୍କ ରିଲିଫ୍ ପାଣ୍ଠିକୁ ଟିଟିଏଫ୍ଆଇ ଏହି ଅର୍ଥ ପ୍ରଦାନ କରିଛି। ନିଜ ସାମାଜିକ ଦାୟିତ୍ୱବୋଧତାକୁ ହୃଦୟଙ୍ଗ କରି ଆମେ ଏହି ଅର୍ଥ କରୋନା ଭାଇରସ୍ ବିରୋଧରେ ଲଢେଇ ପାଇଁ ପ୍ରଦାନ କରିଛୁ ବୋଲି ଟିଟିଏଫ୍ଆଇ କହିଛି। ୫ ଲକ୍ଷ ଟଙ୍କାର ଚେକ୍ ଭାରତୀୟ ଅଲିମ୍ପିକ୍ ଆସୋସିଏଶନ (ଆଇଓଏ) ନିକଟକୁ ପଠାଇ ଦିଆଯାଇଛି। ଆଇଓଏ ମଧ୍ୟ ସବୁ ଜାତୀୟ ସ୍ପୋଟର୍ସ ଫେଡେରେଶନ(ଏନ୍ଏସ୍ଏଫ୍)ଗୁଡିକୁ ଅର୍ଥ ଦାନ କରିବାକୁ ଅନୁରୋଧ କରିଛି। ଏହି ଅର୍ଥ ଖୁବ ଶୀଘ୍ର ପ୍ରଧାନମନ୍ତ୍ରୀ ରିଲିଫ୍ ପାଣ୍ଠିକୁ ପଠାଯିବ ବୋଲି ଟିଟିଏଫ୍ଆଇ ଅଧ୍ୟକ୍ଷ ତଥା ହରିୟାଣା ଉପ-ମୁଖ୍ୟମନ୍ତ୍ରୀ ଦୁଷ୍ମନ୍ତ ଚୌତାଲା କହିଛନ୍ତି।
