କରାଚୀ,୨୬।୩- ପାକିସ୍ତାନର କେନ୍ଦ୍ରୀୟ ଚୁକ୍ତିରେ ସାମିଲ କ୍ରିକେଟରମାନେ ସରକାରଙ୍କ ଜରୁରୀକାଳିନ ପାଣ୍ଠିକୁ ୫ ନିୟୁତ ଟଙ୍କା ଯୋଗାଇବେ। ଏହା ବ୍ୟତୀତ ପାକିସ୍ତାନ କ୍ରିକେଟ ବୋର୍ଡ (ପିସିବି) କର୍ମକର୍ତ୍ତାମାନେ ଏକ ଦିନର ଦରମା ପ୍ରଦାନ କରିବା ନେଇ ଚେୟାରମ୍ୟାନ ଇଶାନ ମାନି କହିଛନ୍ତି। ସାଧାରଣ ସମ୍ପାଦକ କିମ୍ବା ତା’ଠାରୁ ଉଚ୍ଚ ପଦବୀଧାରୀ ଦୁଇ ଦିନର ଦରମା ଦେବେ। ଏହି ସମସ୍ତ ଅର୍ଥ ରାଶିକୁ ଏକାଠି କରି ସରକାରଙ୍କ କରୋନା ଭାଇରସ ପାଣ୍ଠିରେ ଡିପୋଜିଟ କରିବ ବୋଲି ମାନି କହିଛନ୍ତି। ପାକିସ୍ତାନରେ ୧ ହଜାରରୁ ଅଧିକ କରୋନାରେ ଆକ୍ରାନ୍ତ ଥିବା ଜଣାପଡ଼ିଛି। କଠିନ ସମୟରେ ଆମେ ସରକାରଙ୍କ ସହ ଛିଡ଼ା ହେଉ। ଏହା କିଛି ନୂଆ କଥା ନୁହେଁ ବୋଲି ସେ କହିଛନ୍ତି। ପିସିବି ପୂର୍ବରୁ କରାଚୀସ୍ଥିତ ଜାତୀୟ ଷ୍ଟାଡିୟମରେ ଥିବା ହାଇ ପରର୍ଫମାନ୍ସ ସେଣ୍ଟରକୁ ସ୍ବତନ୍ତ୍ର କରୋନା ମେଡିକାଲ ଭାବେ ବ୍ୟବହାର କରିବାକୁ ପାରାମେଡିକାଲ ଷ୍ଟାଫଙ୍କୁ ପ୍ରଦାନ କରିସାରିଛି। ପାକିସ୍ତାନ କେନ୍ଦ୍ରୀୟ ଚୁକ୍ତରେ ସାମିଲ ଥିବା ଖେଳାଳିମାନେ ମ୍ୟାଚ୍ ଫି ଓ ଅନ୍ୟ ଆୟ ଛଡ଼ା ମାସକୁ ୫ରୁ ୧୨ ଲକ୍ଷ ଟଙ୍କା ପାଆନ୍ତି।
