ଆମ ଜିଲା ଖବର, କେନ୍ଦୁଝର

କ୍ରିକେଟ ପଡ଼ିଆରୁ ୩ ବାଇକ, ୭ ସାଇକେଲ ଜବତ
7:43 amMarch 29, 2020 / 21

ପାଟଣା, ୨୯ା୩(ସ୍ବ.ପ୍ର.): କରୋନା ପାଇଁ ସରକାର ସାରା ଦେଶରେ ଲକ୍‌ଡାଉନ ଘୋଷଣା କରିଛନ୍ତି। ହେଲେ ଏହି କଟକଣାକୁ ଉଲ୍ଲଂଘନ କରି କେନ୍ଦୁଝର ଜିଲା ପାଟଣା ଥାନା କଟାବେଡା ଗ୍ରାମର ଖେଳ ପଡ଼ିଆରେ ଶନିବାର ପୂର୍ବାହ୍ନରେ କିଛି ଯୁବକ କ୍ରିକେଟ ଖେଳୁଥିଲେ। ଖବରପାଇ ପାଟଣା ଥାନା ଅଧିକାରୀ ସାରଣୀ ଜେନା ସେଠାରେ ଚଢାଉ କରିଥିଲେ। ପୋଲିସକୁ ଦେଖି ଖେଳୁଥିବା ଯୁବକମାନେ ସେଠାରୁ ଦୌଡି ପଳାଇ ଯାଇଥିଲେ। ପୋଲିସ ଏହି ଖେଳ ପଡ଼ିଆରୁ ୩ଟି ବାଇକ ଓ ୭ ଟି ସାଇକେଲ ସହ କ୍ରିକେଟ ଖେଳରେ ବ୍ୟବହୃତ ବ୍ୟାଟ, ବଲକୁ ଜବତ କରିଥିବା ଜଣାପଡ଼ିଛି।