ବେଜିଂ,୧୨।୯:ଚାଇନାର ବେଜିଂରେ ଏକ ଅଜବ ଘଟଣା ଘଟିଛି। କ୍ରେଡିଟ୍ କାର୍ଡ ବିଲ୍ ଶୁଝିବା ପାଇଁ ଯାଆଁଳା ଶିଶୁଙ୍କୁ ବିକିଦେଇଛନ୍ତି ମା’। କେବଳ ଏତିକି ନୁହେଁ, ପିଲା ଦୁଇଟିକୁ ବିକି କ୍ରେଡିଟ୍ କାର୍ଡ ବିଲ୍ ଶୁଝିବା ସହ ବଳକା ଟଙ୍କାରେ ଏକ ସ୍ମାର୍ଟଫୋନ କିଣିଛନ୍ତି। ଘଟଣାରେ ପୋଲିସ ମହିଳାଙ୍କୁ ଗିରଫ କରିଛି। ସୂଚନାଯୋଗ୍ୟ, ସମ୍ପୃକ୍ତ ମହିଳା ଜଣଙ୍କ ବିବାହ ପୂର୍ବରୁ ଗର୍ଭବତୀ ହୋଇଯାଇଥିଲେ। ପରେ ମହିଳାଙ୍କ ମାତାପିତା ଉକ୍ତ ପିଲାଙ୍କ ଦାୟିତ୍ୱ ନେବାକୁ ମନା କରିଦେଇଥିଲେ। ଜନ୍ମିତ ଶିଶୁଙ୍କ ପିତା ମଧ୍ୟ ହସ୍ପିଟାଲକୁ ଆସି ନ ଥିଲେ। ମହିଳାଜଣଙ୍କ ବାଧ୍ୟ ହୋଇ ନିଜ ଯାଆଁଳା ଶିଶୁଙ୍କୁ ୬.୫ଲକ୍ଷ ଟଙ୍କାରେ ବିକ୍ରି କରିଦେଇଥିଲେ। ସବୁଠୁ ରୋଚକ କଥା ହେଉଛି ଶିଶୁ ବିକ୍ରି ପରେ ମହିଳାଙ୍କ ବୟଫ୍ରେଣ୍ଡ୍ ତାଙ୍କୁ ଟଙ୍କା ମାଗିଥିଲେ। ପୋଲିସ୍ ଘଟଣାରେ ଉଭୟଙ୍କୁ ଗିରଫ କରି ପଚରାଉଚରା ଚଳାଇଛି।
