ନୂଆଦିଲ୍ଲୀ: କର୍ନାଟକରେ ସୃଷ୍ଟି ହୋଇଥିବା କ୍ଷମତା ଯୁଦ୍ଧ ବୁଧବାର ମଧ୍ୟ ଜାରି ରହିଛି। ସରକାର ବଞ୍ଚାଇବା ପାଇଁ କଂଗ୍ରେସ ଓ ଜେଡିଏସ ପ୍ରାଣମୂର୍ଚ୍ଛା ଉଦ୍ୟମ କରୁଥିଲେ ହେଁ ଗୋଟିଏ ପରେ ଗୋଟିଏ ଝଟକା ସେମାନଙ୍କୁ ପୂରା ଦୋହଲାଇ ଦେଇଛି। ପ୍ରତି ଘଣ୍ଟାରେ ରାଜନୈତିକ ପାଣିପାଗ ସରଗରମ ହେଉଥିଲେ ମଧ୍ୟ ଜେଡିଏସର କିଛି ନେତା ଏଗୁଡିକୁ ଖାତିର ନ କରି କ୍ଲବରେ ଯୋଗ କରିବାରେ ବ୍ୟସ୍ତ ଅଛନ୍ତି। ବଙ୍ଗାଲୁରୁରେ ଥିବା ଗଲ୍ଫଶିୟର କ୍ଲବରେ ଯୋଗ କରୁଥିବାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ସୂଚନାଯୋଗ୍ୟ, ରାଜ୍ୟରେ କଂଗ୍ରେସ-ଜେଡିଏସ ମେଣ୍ଟର ୧୩ ଜଣ ବିଧାୟକ ଇସ୍ତଫାପତ୍ର ଦେବା ପରେ ରାଜନୈତିକ ପାଣିପାଗ ଗୋଳିଆ ହୋଇଯାଇଛି। ଅସନ୍ତୁଷ୍ଟ ବିଧାୟକଙ୍କ ଯେତେ ବୁଝାଇଲେ ମଧ୍ୟ ସେମାନେ ନିଜ ନିଜ ନିଷ୍ପତିିରେ ଅଟଳ ଅଛନ୍ତି।
