ମୁମ୍ବାଇ: ଲକ୍ଡାଉନ୍ରେ ବିମାନ ସେବା ଆରମ୍ଭ ହେବା ପରେ ବଲିଉଡ୍ ଅଭିନେତ୍ରୀ ରାଧିକା ମଦାନ ମେ’ ୨୬ରେ ମୁମ୍ବାଇରୁ ଦିଲ୍ଲୀରେ ପହଞ୍ଚିଥିଲେ। ସେ ଫ୍ଲାଇଟ୍ରେ ଆସିବାବେଳେ ବହୁ ସତର୍କତା ଅବଲମ୍ବନ କରିଥିଲେ। ସେ ଘରେ ପହଞ୍ଚି ୧୪ ଦିନ ପାଇଁ ନିଜକୁ ଆଇସୋଲେଶନରେ ରଖିଥିଲେ। ରାଧିକାଙ୍କ ଏହି କ୍ୱାରାଣ୍ଟାଇନ ପିରିୟଡ୍ ଜୁନ ୧୦ରେ ସରିଲା। ସେ ଏହାକୁ ନେଇ ଇନ୍ଷ୍ଟାଗ୍ରାମରେ ସେ ଏକ ପୋଷ୍ଟ ମଧ୍ୟ କରିଛନ୍ତି। ରାଧିକା ଏହି କ୍ୱାରାଣ୍ଟାଇନ୍ ସମୟକୁ ରାମଙ୍କ ୧୪ବର୍ଷ ବନବାସ ସହିତ ତୁଳନା କରିଛନ୍ତି। ସେ ଦୁଇଟି ଫଟୋ ଶେୟାର କରିଛନ୍ତି ଯେଉଁଥିରେ ତାଙ୍କ ମା’ ତାଙ୍କୁ କୋଳେଇ ଢେର ସାରା ଭଲ ପାଇବା ଦେଉଛନ୍ତି। ସେ ଆହୁରି ମଧ୍ୟ ଲେଖିଛନ୍ତି ଯେ, ଏହି କ୍ୱାରାଣ୍ଟାଇନ୍ ସମୟ ବଡ଼ କଠିନ। ନିଜ ଘରେ ଥାଇ ମଧ୍ୟ ମୋତେ ସମସ୍ତଙ୍କଠାରୁ ଅଲମା ରହିବାକୁ ପଡ଼ୁଥିଲା। ମୋତେ ମୋ ମା’ଙ୍କ ଠାରୁ ମଧ୍ୟ ଅଲଗା ରହିବାକୁ ପଡ଼ୁଥିଲା। ତାଙ୍କର ଟିକେ ଭଲ ପାଇବା ପାଇଁ ମୁଁ ଯେପରି ବିକଳ ହେଉଥିଲି। ଥ୍ୟାଙ୍କ୍ ଗଡ୍ ଏହି ଅବଧି ସରିଥିବାରୁ ମୁଁ ବହୁତ ଖୁସି।
ସୂଚନା ଥାଉ କି, ଚଳିତବର୍ଷ ମାର୍ଚ୍ଚ ୧୩ରେ ରିଲିଜ ହୋଇଥିବା ‘ଅଂରେଜୀ ମିଡିୟମ’ମୁଭିରେ ରାଧିକା ମଦାନଙ୍କୁ ଲିଡ୍ ରୋଲରେ ଦେଖିବାକୁ ମିଳିଥିଲା। ଏହି ମୁଭିରେ ସେ ବଲିଉଡ୍ ଅଭିନେତା ଇର୍ଫାନ ଖାନ୍ଙ୍କ ଝିଅର ଭୂମିକାରେ ନଜର୍ ଆସିଥିଲେ। ତେବେ ଏହା ଥିଲା ଇର୍ଫାନଙ୍କ ଜୀବନର ଶେଷ ଫିଲ୍ମ। ଆଗକୁ ଦୀନେଶ ବିଜନଙ୍କ ପ୍ରଡକ୍ସନରେ ନିର୍ମିତ ‘ଶିଦତ୍’ରେ ରାଧିକାଙ୍କୁ ଦେଖିବାକୁ ମଳିବ। ଏଥିରେ ସନି କୌଶଳ, ଡାଏନା ପୈଣ୍ଟି ଏବଂ ମୋହିତ ରୈନା ମଧ୍ୟ ନଜର୍ ଆସିବେ।
