ଲାଠୋର, ୭ା୪(ଡି.ଏନ.ଏ.) : ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ କରୁଆଝର ପଞ୍ଚାୟତ ଅନ୍ତର୍ଗତ ମସିଣା ଅଙ୍ଗନୱାଡ଼ି କେନ୍ଦ୍ରରେ ମଙ୍ଗଳବାର ଅଙ୍ଗନୱାଡ଼ି କର୍ମୀଙ୍କୁ କରୋନା ସମ୍ପର୍କିତ ତାଲିମ ପ୍ରଦାନ କରାଯାଇଛି। ମହିଳା ସ୍ବାସ୍ଥ୍ୟକର୍ମୀ ଲତା ଭୂଏ ସାନଗୁର୍ଜିଭଟା ସବସେଣ୍ଟର ଅଧିନରେ କାର୍ଯ୍ୟରତ। ଅଙ୍ଗନୱାଡ଼ି କର୍ମୀଙ୍କୁ ନେଇ ତାଲିମ ପ୍ରଦାନ କରିଥିଲେ। ପ୍ରତି ଗ୍ରାମର ଅଙ୍ଗନୱାଡ଼ି, ଆଶାକର୍ମୀ ୱାର୍ଡମେମ୍ବର ଓ କେତେକ ସଚେତନ ନାଗରିକଙ୍କୁ ନେଇ ଲୋକଙ୍କୁ ମହାମାରୀ କରୋନାରୁ କିପରି ରକ୍ଷା କରାଯାଇ ପାରିବ ସେ ସମ୍ପର୍କରେ ସଚେତନ କରାଯିବ। କାହା ପାଖରେ କରୋନା ଲକ୍ଷଣ ଦେଖାଗଲେ ତୁରନ୍ତ ସ୍ବାସ୍ଥ୍ୟ ବିଭାଗକୁ ଖବର ଦେବା କିମ୍ବା ୧୦୪କୁ ଫୋନ କରି ଜଣାଇବାକୁ କୁହାଯାଇଥିଲା। ଏହି ଅବସରରେ ଅଙ୍ଗନୱାଡ଼ି କର୍ମୀ ହେମବତୀ ସୁନା, ସନ୍ଧ୍ୟାରାଣୀ ଗିରି, ରାଜକୁମାରୀ କଲେତ, ପଙ୍କଜିନୀ ବାଗ, ରୀତା ଧରୁଆଙ୍କ ସହ ୯ ଖଣ୍ଡ ଗ୍ରାମର ଅଙ୍ଗନୱାଡ଼ି କର୍ମୀ ଉପସ୍ଥିତ ଥିଲେ।
