ବୋଲଗଡ଼,୧୯ା୭(ଡି.ଏନ.ଏ.)-ନିର୍ବାଚନ କାର୍ଯ୍ୟ ଚାଲିଥିବାବେଳେ କେନ୍ଦ୍ରାପଡ଼ା ପାଟକୁରାଠାରେ ଅନେକ ବିଶିଷ୍ଟ ବ୍ୟକ୍ତିଙ୍କ ଉପସ୍ଥିତିରେ ଜଣେ କାର୍ଯ୍ୟରତ ଖବରଦାତାଙ୍କୁ ଏସ୍ପିଙ୍କ ଦୁର୍ବ୍ୟବହାର ନେଇ ଅଭିଯୋଗ ହୋଇଛି। ଓଡ଼ିଶା ୟୁନିୟନ ଅଫ୍ ଜର୍ନାଲିଷ୍ଟ(ଓୟୁଜେ), ବୋଲଗଡ ବ୍ଲକ ପକ୍ଷରୁ ଉକ୍ତ ଘଟଣାର ବିରୋଧ ଓ ନିନ୍ଦା କରାଯାଇଛି । ଚତୁର୍ଥ ସ୍ତମ୍ବର କଣ୍ଠରୋଧ ତଥା ସର୍ବ ସମ୍ମୁଖରେ ଜଣେ ଖବରଦାତାଙ୍କୁ ଅପମାନିତ କରିବା ଘଟଣାର ପ୍ରତିବାଦରେ ଗୁରୁବାର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ବୋଲଗଡ଼ ବିଡିଓ ମଧୁସୂଦନ ବେହେରାଙ୍କୁ ପ୍ରଦାନ କରାଯାଇଛି। କାଶୀନାଥ ହୋତା, ଓୟୁଜେର ଖୋର୍ଦ୍ଧା ଜିଲା ସମ୍ପାଦକ ରମେଶ ରଞ୍ଜନ ସାହୁ, ଦିଲୀପ ଚୌଧୁରୀ, ସୁରେଶ ସାମନ୍ତରାୟ, ଦୀପକ ପାହାଡ଼ସିଂ ପ୍ରମୁଖ ଉପସ୍ଥିତ ଥିଲେ।
