ଛତ୍ରପୁର, ୧୦।୪(ଡି.ଏନ୍.ଏ.): ଗଞ୍ଜାମ ଜିଲା ଶିତଳାପଲିଠାରେ ଥିବା ଟାଟା ଷ୍ଟିଲ ମେଡିକାଲ, ହସ୍ପିଟାଲକୁ ଟାଟା ଗ୍ରୁପ ସହାୟତାରେ ଓଡିଶା ସରକାରଙ୍କ ପକ୍ଷରୁ କୋଭିଡ ହସ୍ପିଟାଲ କରାଯାଇଛି। ଶୁକ୍ରବାରଠାରୁ ଏହା କାର୍ଯ୍ୟକ୍ଷମ ହୋଇଛି। ଏଠାରେ ୨୦୦ ଶଯ୍ୟା ରହିଥିବା ବେଳେ ୧୫ଟି ଆଇସିୟୁ ବେଡ୍ (ଭେଣ୍ଟିଲେଟର ସହିତ)ର ସୁବିଧା ରହିଛି। ଆସନ୍ତା ୧୦ ଦିନ ମଧ୍ୟରେ ଆଉ ୫ଟି ଆଇସିୟୁ ବେଡ୍ କାର୍ଯ୍ୟକ୍ଷମ ହେବ ବୋଲି ଏକ ଖବରଦାତା ସମ୍ମିଳନୀରେ ଗଞ୍ଜାମ ଜ଼ିଲାପାଳ ବିଜୟ ଅମୃତା କୁଲାଙ୍ଗେ ସୂଚନା ଦେଇଛନ୍ତି। ଏମ୍କେସିଜିର ଡାକ୍ତର, ନର୍ସ ଓ ଟେକ୍ନିକାଲ ଷ୍ଟାଫ୍ ଏହି କୋଭିଡ ହସ୍ପିଟାଲରେ ରୋଗୀ ସେବା କରିବେ। ସେମାନଙ୍କର ରହିବା ବ୍ୟବସ୍ଥା ଉକ୍ତ ହସ୍ପିଟାଲ କ୍ୟାମ୍ପସରେ କରାଯାଇଛି। ଡାକ୍ତର ଉମା ଶଙ୍କର ମିଶ୍ର ଉକ୍ତ କୋଭିଡ ହସ୍ପିଟାଲର ମେଡିକାଲ ଅଫିସର ଇନ୍ଚାର୍ଜ ଥିବାବେଳେ ବିଡିଏ ସେକ୍ରେଟାରୀ ସମ୍ବିତ ରାଉତ ପ୍ରଶାସନିକ ଅଧିକାରୀ ରହିଛନ୍ତି।
