ବାରଙ୍ଗ,୧୮ା୧(ଡି.ଏନ.ଏ): ସେଲୁନ୍ ଦୋକାନରେ ଗଞ୍ଜେଇ ବିକିବାବେଳେ ଶୁକ୍ରବାର ପୋଲିସ ହାତରେ ଧରାପଡ଼ି ଗିରଫ ହୋଇଛନ୍ତି ଦୋକାନ ମାଲିକ। ସେ ହେଲେ ନନ୍ଦନକାନନ ଥାନା ଅନ୍ତର୍ଗତ ପଦା ସାହି ଗ୍ରାମର ଅମୂଲ୍ୟ ବାରିକ। ଏ ନେଇ ପୋଲିସ ଅମୂଲ୍ୟଙ୍କଠାରୁ ୧କେଜି ୧୪୭ଗ୍ରାମ ଗଞ୍ଜେଇ ଜବତ କରିବା ସହ ନଂ. ୪/୨୦ରେ ଏକ ମାମଲା ରୁଜୁ କରିଛି। ସୂଚନାଯୋଗ୍ୟ, ଅମୂଲ୍ୟ ନନ୍ଦନକାନନ ବସଷ୍ଟାଣ୍ଡ ପାଖରେ ଏକ ସେଲୁନ ଦୋକାନ କରି ନିଜ ପରିବାର ପ୍ରତିପୋଷଣ କରିଥାନ୍ତି। କିନ୍ତୁ ପରେ ଅଧିକ ଲାଭ ଆଶାରେ ଗଞ୍ଜେଇ ଆଣି ବିକ୍ରୟ କରୁଥିବାର ନନ୍ଦନକାନନ ଥାନା ପୋଲିସ ଜାଣିବାକୁ ପାଇଥିଲେ। ତେବେ ନନ୍ଦନକାନନ ଥାନାଧିକାରୀ ପରମାନନ୍ଦ ନାୟକଙ୍କ ନିର୍ଦ୍ଦେଶକ୍ରମେ ଏକ ଟିମ ଅମୂଲ୍ୟ ଉପରେ ଦୃଷ୍ଟି ରଖିଥିଲେ। ଶୁକ୍ରବାର ସାଢେ୧୧ଟାରେ ସେ ଗଞ୍ଜେଇ ପୁଡିଆ ବିକ୍ରି କରୁଥିବାବେଳେ ପୋଲିସ ହାତରେ ଧରାପଡିଥିଲା।
