ଦେଓଗାଁ,୧୯ା୬(ଡି.ଏନ.ଏ.)
ବଲାଙ୍ଗୀର ଜିଲା ଦେଓଗାଁ ବ୍ଲକ ରାମଚନ୍ଦ୍ରପୁର ଆରଆଇ ସର୍କଲ ଅନ୍ତର୍ଗତ ଖଲିଆପାଲିର ମନ୍ଦାର ମଲ୍ଲିକ(୪୬)। ଗତବନ୍ୟାରେ ତାଙ୍କ ମାଟିଘର ସମ୍ପୂର୍ଣ୍ଣ ଭାଙ୍ଗି ଯାଇଥିଲା। ସେହିଦିନଠାରୁ ପ୍ରାୟ ୧୦ମାସ ହେଲା ତିନି ପିଲାଙ୍କୁ ଧରି ମନ୍ଦାର ସେହି ଘରେ ରହୁଛନ୍ତି। ୨ବର୍ଷ ତଳେ ତାଙ୍କ ସ୍ବାମୀ ମଙ୍ଗଳୁ ମଲ୍ଲିକଙ୍କ ମୃତ୍ୟୁ ପରେ ୩ ସନ୍ତାନ ରମାକାନ୍ତ(୧୮), କାନ୍ତି(୧୭) ଓ ଜୟକାନ୍ତ(୧୫)ଙ୍କୁ ଦୁଃଖକଷ୍ଟରେ ପ୍ରତିପୋଷଣ କରୁଥିବା ମନ୍ଦାର ଘର ମରାମତି କରିବା ଅବସ୍ଥାରେ ନାହାନ୍ତି। ଏନେଇ ସେ ରାମଚନ୍ଦ୍ରପୁର ଆରଆଇଙ୍କ ଦ୍ୱାରସ୍ଥ ହୋଇଥିଲେ। ରାଜସ୍ବ ବିଭାଗ ତରଫରୁ ଅଧିକାରୀମାନେ ତଦନ୍ତ କରିବାକୁ ଯାଇଥିଲେ ସୁଦ୍ଧା ହେଁ ଅଦ୍ୟାବଧି କୌଣସି ସରକାରୀ ସୁବିଧା ମିଳି ନ ଥିବା କହିଛନ୍ତି ା ଏବେ ବର୍ଷା ଆରମ୍ଭ ହୋଇ ଯାଇଥିବାରୁ ପଡୋଶୀ ଓ ଗଁାର ଯୁବଗୋଷ୍ଠୀ ଭଙ୍ଗାଘର ଉପରେ ଖପର ଦେଇ ଯାଇତାଇ ମରାମତି କରିଦେଇଛନ୍ତି। ହେଲେ ବର୍ଷା ସମୟରେ ତାହା ତିଷ୍ଠି ରହିବ କି ନାହିଁ ସନ୍ଦେହ ରହିଛି। ତେବେ ଘର ପାଇଁ ସହାୟତା ଯୋଗାଇ ଦେବାକୁ ଆବେଦନ କରିବା ପରେ ରାମଚନ୍ଦ୍ରପୁର ସର୍କଲର ଜନୈକ କର୍ମଚାରୀ ଟଙ୍କା ଦେଲେ କରାଇ ଦେବା କହୁଥିବା ଅଭିଯୋଗ କରିଛନ୍ତି ମନ୍ଦାର ା ଏ ସମ୍ପର୍କରେ ତହସିଲଦାର ସୋନାଲି ପାତ୍ରଙ୍କୁ ପଚାରିବାରୁ ଆରଆଇଙ୍କଠାରୁ ବୁଝିଲା ପରେ ପଦକ୍ଷେପ ନିଆଯିବ ବୋଲି କହିଛନ୍ତି।
