ଇସ୍ଲାମାବାଦ,୧୪।୯: ଭାରତରେ କାହାକୁ ଗଧ କହିଦେଲେ ପରିସ୍ଥିତି ଖରାପ ହୋଇଯାଇଥାଏ। ହେଲେ ପାକିସ୍ତାନ ଏବେ ଏହି ଗଧକୁ ତା’ର ରୋଜଗାରର ପ୍ରମୁଖ ମାଧ୍ୟମ ବୋଲି ଧରି ନେଇଛି। କାରଣ ଗଧ ମେଳା ଲଗାଇ ଏବେ ପାକିସ୍ତାନ ତା’ର ଅର୍ଥ ବ୍ୟବସ୍ଥାକୁ ସୁଧାରିବାକୁ ଚେଷ୍ଟା କରୁଥିବା ଜଣାପଡିଛି। ଆଉ ଏଥିରେ ତାକୁ ସହଯୋଗର ହାତ ବଢାଇଛି ଚାଇନା। ସୂଚନା ମୁତାବକ, ଖେବର ପଖତୁନଓ୍ବାରେ ‘କେପି-ଚାଇନା ସଷ୍ଟେନେବଲ ଡଙ୍କି ଡେଭଲପମେଣ୍ଟ ପ୍ରୋଗ୍ରାମ’ ଆରମ୍ଭ କରାଯାଇଛି। କେବଳ ଏତିକି ନୁହେଁ ଗଧ ବିକ୍ରି ବୃଦ୍ଧି କରିବା ପାଇଁ ବିଶେଷ ଧରଣର ଗଧଙ୍କର ମେଳାର ମଧ୍ୟ ଆୟୋଜନ କରାଯାଇଛି। କୁହାଯାଏ ଗଧ ପାଳନ କରିବାରେ ବିଶ୍ୱର ୩ ନମ୍ବର ଦେଶ ହେଉଛି ପାକିସ୍ତାନ। ଏବେ ଏଠାରେ ପ୍ରାୟ ୫୦ ଲକ୍ଷ ଗଧ ରହିଛନ୍ତି।
