ବିଜେପୁର୯।୩(ଡି.ଏନ୍.ଏ.): ନୂଆଁଖାଇ ପରି ଗୁଁଡିଖାଇ ପଶ୍ଚିମ ଓଡ଼ିଶାର ଏକ କୃଷିଭିତ୍ତିକ ପର୍ବ। ତେଣୁ ବରଗଡ଼ ଜିଲା ବିଜେପୁର ବ୍ଲକର ପୁରପଲ୍ଲୀରେ ଉତ୍ସାହ ଉଦ୍ଦୀପନା ମଧ୍ୟରେ ଗୁଁଡିଖାଇ ପର୍ବ ସୋମବାର ପାଳିତ ହୋଇଯାଇଛି। ବଡି ଭୋରରୁ ଘରର ଇଷ୍ଟ ଦେବଦେବୀଙ୍କ ନିକଟରେ ବସନ୍ତ ଋତୁରେ ମିଳୁଥିବା ଆମ୍ବ, ଚାର, ମହୁଲ, କେନ୍ଦୁ, ଆଁକେଲ ସହ ଚଣା, ଗୁଡ, ସାଗରପଟି ଆଦିକୁ ପଳାଶ ପତ୍ରର ଚଉପଦୀରେ ରଖି ଭୋଗ ଲଗାଯାଇଥିଲ। ଏହା ସହିତ ଠାକୁରଙ୍କୁ ପଳାଶ ଫୁଲ ଓ ଫଗୁ ଲାଗି କରାଯାଇଥିଲା। ଚଳିତ ବର୍ଷ ଲାଗି ହୋଇଥିବା ଏହି ଫଳଗୁଡିକ ପ୍ରଚୁର ପରିମାଣରେ ଅମଳ ହେଉ ବୋଲି ଠାକୁରଙ୍କ ନିକଟରେ ପ୍ରାର୍ଥନା କରାଯାଇଥିଲା। ଠାକୁରଙ୍କ ନିକଟରେ ଏହି ଫଳଫୁଲ ଲାଗି ନ ହେବାଯାଏଁ ଏହାକୁ ଖାଇବା ତ ଦୂରର କଥା ଘରକୁ ଆଣିବା ମଧ୍ୟ ପାପ ବୋଲି ଲୋକବିଶ୍ୱାସ ରହିଛି। ଭୋଗ ପରେ ଘରର ମୁଖିଆ ସମସ୍ତଙ୍କୁ ଏହି ପ୍ରସାଦ ଦେଇଥିଲେ।
