ମୁମ୍ବାଇ,୨୬। ୩: ଏବେ ବାହାରକୁ ଯିବା ଲାଗି କଟକଣା ଲାଗୁ କରାଯାଇଛି। ଲକ୍ଡାଉନ ଯୋଗୁ ବାହାରକୁ ବାହାରିବାକୁ ଅସୁବିଧା ହେଉ ଥିବାରୁ ନଗଦ ଲାଗି ସମସ୍ୟା ଉପୁଜିବାର ଆଶଙ୍କା ରହିଛି। ଏଟିଏମ୍କୁ କ୍ୟାଶ ଆଣିବା ଲାଗି କୌଣସି କଟକଣା ନ ଥିବା ବେଳେ ଯଦି ଆଖପାଖରେ ଏଟିଏମ୍ ନାହିଁ ତେବେ ଲୋକଙ୍କର ଅସୁବିଧା ବଢିଯାଏ। ଏହି ସମୟରେ ବ୍ୟାଙ୍କ ଲୋକଙ୍କ ନିକଟରେ ନଗଦ ପହଞ୍ଚାଇବା ନେଇ ସହାୟତା କରିପାରିବେ। ଲକ୍ଡାଉନ ସମୟରେ ଏସ୍ବିଆଇ, ଏଚ୍ଡିଏଫ୍ସି ବ୍ୟାଙ୍କ, କୋଟାକ ମହିନ୍ଦ୍ରା ବ୍ୟାଙ୍କ, ଆକ୍ସିସ ବ୍ୟାଙ୍କ ଗ୍ରାହକଙ୍କୁ କ୍ୟାଶ ଡେଲିଭରି ସୁବିଧା ପ୍ରଦାନ କରୁଛନ୍ତି। ଏସ୍ବିଆଇ ଗ୍ରାହକଙ୍କ ନିକଟରେ ଅର୍ଥ ପହଞ୍ଚାଉଥିବା ବେଳେ ଗ୍ରାହକଙ୍କଠାରୁ ଟଙ୍କା ଜମା ନେବାର ସୁବିଧା ମଧ୍ୟ ଦେଉଛି। ଏଥିଲାଗି ବ୍ୟାଙ୍କ ୧୦୦ ଟଙ୍କା ଆରମ୍ଭ ମୂଲ୍ୟରୁ ଚାର୍ଜ ନେଇଛି। ଏହି ସୁବିଧା ମୁତାବକ ଏଚ୍ଡିଏଫ୍ସି ବ୍ୟାଙ୍କ ୫ରୁ ୨୫ ହଜାର ଟଙ୍କା ଡେଲିଭରି ଦେବାର ସୁବିଧା କରିଛି। ଏଥି ଲାଗି ବ୍ୟାଙ୍କ ୧୦୦ରୁ ୨୦୦ ଟଙ୍କା ଚାର୍ଜ ନେଉଛି। ଆକ୍ସିସ ଏବଂ କୋଟାକ ମହିନ୍ଦ୍ରା ବ୍ୟାଙ୍କ ଏହି ସୁବିଧା ମଧ୍ୟ ପ୍ରଦାନ କରୁଛନ୍ତି। ଏଥି ଲାଗି ବ୍ୟାଙ୍କଗୁଡିକ ନିର୍ଦ୍ଧିଷ୍ଟ ଚାର୍ଜ ମଧ୍ୟ ନେଉଥିବା ସୂଚନା ରହିଛି।
