ବାଙ୍ଗିରିପୋଷି,୨୬ା୫(ଡି.ଏନ.ଏ): ମହାମାରୀ କରୋନାକୁ ପ୍ରତିହତ କରିବା ପାଇଁ ସାରା ଦେଶରେ ଲକ୍ ଡାଉନ ଜାରି ରହିଛି। ଏହି ସମୟ ମଧ୍ୟରେ କୌଣସି ଧାର୍ମିକ ସ୍ଥଳରେ ପୂଜାର୍ଚ୍ଚନା ନ କରିବା ପାଇଁ କଟକଣା ରହିଛି। ଏହି ଅବସରରେ ସମସ୍ତ ମନ୍ଦିର ଓ ମସଜିଦରେ ୧୪୪ ଧାରା ଜାରି ଯାଇଛି ା ଲକଡାଉନ ସମୟରେ ଚଳିତ ବର୍ଷର ରମଜାନ ମାସ ପଡିଥିବାରୁ ଶ୍ରଦ୍ଧାଳୁମାନଙ୍କୁ ମସଜିଦ ଆସିବାକୁ ମନା କରାଯିବା ସହିତ ନିଜ ନିଜ ଘରେ ନମାଜ ପାଠ କରିବା ପାଇଁ କୁହାଯାଇଥିଲା। ଏହି ନିର୍ଦ୍ଦେଶନାମାକୁ ପାଳନ କରି ବାଙ୍ଗିରିପୋଷି ଅଞ୍ଚଳରେ ରହୁଥିବା ସମସ୍ତ ମୁସଲମାନ ଭାଇ ଭଉଣୀମାନେ ସେମାନଙ୍କର ପବିତ୍ର ଇଦ୍-ଉଲ୍-ଫିତର ପର୍ବରେ ଘରେ ରହି ନମାଜ ପାଠ କରିଥିଲେ। ଫଳରେ ମସଜିଦ ସମ୍ପୂର୍ଣ୍ଣ ଖାଁ ଖାଁ ହୋଇ ପଡ଼ିଥିବା ଦେଖିବାକୁ ମିଳିଥିଲା। ବାଙ୍ଗିରିପୋଷି ମସଜିଦ କମିଟିର ସଭାପତି ସେକ୍ ମାଇନୁଦ୍ଦିନ, ସମ୍ପାଦକ ସେକ ଆଫରଜ୍, କୋଷାଧ୍ୟକ୍ଷ ସେକ ତାଜୁଦ୍ଦିନ ଓ ସେକ ଆଜୁ, ସେକ ଆବାସ,ଏସକେ ସାକିଲ୍, ସେକ ଫରମାନ ଅନସାରୀ, ସେକ ଇସ୍ରାଇଲ,ସେକ୍ ଏହେସାନ, ମହମ୍ମଦ ସାଫିର ସାଗର, ଜମିର ଉଦ୍ଦିନ,ସେକ ସାକିଲ, ନାଇମୁଦ୍ଦିନ, ରାହିମ, ସାନୱାଜ, ତାଫଜିଲ,ନାଇମ, ଆଦିଲ ଆଦି ସରକାରଙ୍କ ନିୟମ ମାନି ଘରେ ରହି ନମାଜ ପାଠ କରିଥିବା କହିଛନ୍ତି।
