ମନୁଷ୍ୟର ଚାଲିଚଳଣ ଏବଂ ଭାବଭଙ୍ଗୀରୁ ବ୍ୟକ୍ତିତ୍ୱ ସମ୍ପର୍କରେ ଅନେକ କଥା ଜାଣିହୁଏ। ତେବେ ଆସନ୍ତୁ ଜାଣିବା ବ୍ୟକ୍ତିଙ୍କ ଚାଲି ତାଙ୍କ ବ୍ୟକ୍ତିତ୍ୱ ସମ୍ପର୍କରେ କ’ଣ ସୂଚନା ଦିଏ…
* ଶୀଘ୍ର ଶୀଘ୍ର ଚାଲୁଥିବା ବ୍ୟକ୍ତିମାନେ ସର୍ବଦା ଏନର୍ଜେଟିକ୍ ଥା’ନ୍ତି। ଏହି ବ୍ୟକ୍ତିମାନେ ଆତ୍ମବିଶ୍ୱାସୀ, ସାହସୀ ତଥା ସବୁ ପରିସ୍ଥିତିକୁ ସାମ୍ନା କରିବାର ଦମ୍ଭ ରଖନ୍ତି।
* ଆସ୍ତେ ଆସ୍ତେ ଚାଲୁଥିବା ବ୍ୟକ୍ତି ସାଧାରଣତଃ ଧୀର ସ୍ବଭାବର ହୋଇଥାନ୍ତି। ଏମାନେ ସର୍ବଦା ସଜାଗ ଥା’ନ୍ତି ଏବଂ ନିଜ ଦୁନିଆରେ ରହିବାକୁ ପସନ୍ଦ କରିଥାନ୍ତି। ଅନ୍ୟମାନଙ୍କ ସହ ଉତ୍ତମ ଯୋଗାଯୋଗ ରଖିବାରେ ଏମାନେ ପ୍ରବୀଣ ଥା’ନ୍ତି।
* ଗୋଡ ଘୋଷାଡି ଚାଲୁଥିବା ବ୍ୟକ୍ତି ସାଧାରଣତଃ ଅଳସୁଆ ସ୍ବଭାବର ହୋଇଥାନ୍ତି। ସେମାନଙ୍କଠାରେ ଆତ୍ମବିଶ୍ୱାସ କମ୍ ଥାଏ। ଏମାନେ ନିଜକୁ ଚିନ୍ତା ଏବଂ ଅବସାଦ ମୁକ୍ତ କରିପାରନ୍ତି ନାହିଁ।
* ଜୋର ପାଦ ପକେଇ ଚାଲୁଥିବା ବ୍ୟକ୍ତିଙ୍କଠାରେ ପିଲାଳିଆମି ଗୁଣ ଅଧିକ ଥାଏ। ଏମାନେ ସାଧାରଣତଃ ବଦ୍ରାଗି ସ୍ବଭାବର ହୋଇଥାନ୍ତି।
* ଲମ୍ବା ପାହୁଣ୍ଡ ପକେଇ ଚାଲୁଥିବା ବ୍ୟକ୍ତିମାନେ ମଲ୍ଟି ଟାସ୍କିଙ୍ଗ୍ ହୋଇଥାନ୍ତି। ଏକା ସଙ୍ଗେ ଅନେକଗୁଡିଏ କାମ କରିପାରୁଥିବା ହେତୁ ଏମାନଙ୍କଠାରେ ଆତ୍ମ ବିଶ୍ୱାସ ମଧ୍ୟ ଭରପୂର ଥାଏ।
