ଚାଷୀଙ୍କ ଦାବି: ପଞ୍ଜିକରଣ ସମୟ ବଢୁ
7:18 pmApril 4, 2020 / 10

ଜୟପୁର,୪।୪ (ଡି.ଏନ୍.ଏ.): ଆସନ୍ତା ରବି ଚାଷ ପାଇଁ ଚାଷୀଙ୍କ ପଞ୍ଜିକରଣ ସମୟ ସୀମା ବୃଦ୍ଧି କରିବା ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ଦେଇଛି କୋରାପୁଟ ଜିଲା କୃଷକ କଲ୍ୟାଣ ମଞ୍ଚ। କୋରାପୁଟ ଜିଲାପାଳ ମଧୁସୂଦନ ମିଶ୍ରଙ୍କୁ ଏହି ଦାବିପତ୍ର ପ୍ରଦାନ କରାଯାଇଛି। ଆସନ୍ତା ୭ ତାରିଖ ଚାଷୀ ପଞ୍ଜିକରଣର ଅନ୍ତିମ ଦିବସ ରହିଛି। କିନ୍ତୁ ସାରା ଦେଶରେ ବର୍ତ୍ତମାନ କରୋନା ଭୁତାଣୁ ସଂକ୍ରମଣ ରୋକିବା ପାଇଁ ଯେଉଁ ଲକ୍ ଡାଉନ ଚାଲିଛି, ଚାଷୀମାନେ ଘରୁ ବାହାରିବାକୁ ଉଚିତ ଭାବୁନାହାନ୍ତି। ପଞ୍ଜିକରଣ କେନ୍ଦ୍ରରେ ଭିଡ଼ ଆଶଙ୍କା କରି ସଚେତନ ଚାଷୀମାନେ ସେଠାକୁ ଯିବା ପାଇଁ ଭୟ କରୁଛନ୍ତି। ତେଣୁ ତୁରନ୍ତ ପଞ୍ଜିକରଣର ସମୟସୀମା ବୃଦ୍ଧି କରିବା ପାଇଁ ଦାବି କରିଛନ୍ତି ମଞ୍ଚର ସମ୍ପଦକ ନରେନ୍ଦ୍ର ପ୍ରଧାନ।