ଜାତୀୟ କ୍ୟାମେରା ଦିବସରେ ସ୍ବତନ୍ତ୍ର ପ୍ରଦର୍ଶନୀ: ବହୁ ବିରଳ କ୍ୟାମେରା ପ୍ରଦର୍ଶିତ

ଭୁବନେଶ୍ୱର,୩୦ା୬(ବ୍ୟୁରୋ): ପୋଲାରଏଡ୍‌ କ୍ୟାମେରାରୁ ଆରମ୍ଭକରି ଷ୍ଟୁଡିଓ ପ୍ଲେଟ୍‌ କ୍ୟାମେରା, ୟାଶିକାରୁ ହାଇମାକ୍ସ ପର୍ଯ୍ୟନ୍ତ। କ୍ୟାମେରା ଉଦ୍ଭାବନ ହେବା ଦିନଠାରୁ ଆଜିପର୍ଯ୍ୟନ୍ତ ଶତାଧିକ ଡିଜାଇନ୍‌ର ପୁରାତନ କ୍ୟାମେରା ଦେଖିବାକୁ ମିଳିଥିଲା ଗୋଟିଏ ସ୍ଥାନରେ। ଜୁନ୍‌ ୨୯ ଜାତୀୟ କ୍ୟାମେରା ଦିବସ ଉପଲକ୍ଷେ ଶନିବାର ସୂଚନା ଭବନଠାରେ ଆୟୋଜିତ ସ୍ବତନ୍ତ୍ର ପ୍ରଦର୍ଶନୀରେ ଦେଖିବାକୁ ମିଳିଥିଲା ଏଭଳି ନିଆରା ତଥା ଅଦେଖା ପୁରାତନ କ୍ୟାମେରା।

ଅପରାହ୍ନ ୩ଟା ୩୦ରୁ ରାତି ୮ଟା ପର୍ଯ୍ୟନ୍ତ ଏହି ପ୍ରଦର୍ଶନୀ ସର୍ବସାଧାରଣଙ୍କ ପାଇଁ ଖୋଲା ରହିଥିଲା। ଏଥିରେ ପ୍ରାୟ ୩୦ଟି କମ୍ପାନୀର ଦୁଇଶହରୁ ଊର୍ଦ୍ଧ୍ୱ କ୍ୟାମେରା ସ୍ଥାନ ପାଇଥିଲା। ୧୮୯୨ର ସର୍ବପୁରାତନ କ୍ୟାମେରା ଏଠାରେ ଦେଖିବାକୁ ମିଳିଥିଲା। ଏହାସହ କ୍ୟାମେରାର କ୍ରମବିର୍ତ୍ତନ ସମ୍ପର୍କରେ ଦୃଶ୍ୟଶ୍ରାବ୍ୟ ବ୍ୟବସ୍ଥା ମାଧ୍ୟମରେ ପ୍ରଦର୍ଶନ କରାଯାଇଥିଲା। ପୋଲାରଏଡ୍‌ କ୍ୟାମେରା, ରୋଲିକଡ୍‌, ମାମ୍ମିୟା C୨୨୦, ମାମ୍ମିୟା C୩୩୦, ରୋଲିଫ୍ଲେକ୍ସ, ଷ୍ଟୁଡିଓ ପ୍ଲେଟ୍‌ କ୍ୟାମେରା, କୋରୋମେଟ୍‌, ଜେନା ବକ୍ସ, କୋଡାକ୍‌ ବ୍ରାଉନି, ବିଲୋରା ବକ୍ସ, ୟାଶିକା, ଲୁବିଟେଲ୍‌ ଭଳି ବହୁ ପୁରାତନ ବ୍ରାଣ୍ଡ୍‌ର କ୍ୟାମେରା ଏହି ପ୍ରଦର୍ଶନୀରେ ସ୍ଥାନ ପାଇଥିଲା। ସେହିଭଳି ୧୯୫୦ରୁ ୨୦୦୦ ମସିହା ମଧ୍ୟରେ କ୍ୟାମେରାର ବ୍ୟବହାର ସର୍ବାଧିକ ବଢିଥିବାବେଳେ ଏହି ସମୟ ମଧ୍ୟରେ ବହୁ ଅତ୍ୟାଧୁନିକ କ୍ୟାମେରା ବଜାରକୁ ଆସିଥିଲା। ଏହି ସମୟ ମଧ୍ୟରେ ୟାଶିକା ଭିଭି ସନ୍‌, ୟାଶିକା ଟାଇଗର୍‌, ୟାଶିକା ଏକ୍ସଏଲ୍‌-୨, ୟାଶିକା ଆବୋକ୍ୟାମ୍‌, କ୍ୟାନନ୍‌ ଡିଏକ୍ସ୍‌, କ୍ୟାନନ୍‌ ଜେନ୍‌, ମକାଇ ଏସ୍‌ଏଲ୍‌, ହାଇମ୍ୟାକ୍ସ, କୋଡାକ୍‌ ରେଟିନା, ଅଲିମ୍ପସ୍‌ ସୁପର୍‌ ଡିଏକ୍ସ, ପ୍ରିମିୟର୍‌, ଆଶିକନ୍‌, ମିନୋଲ୍ଟା ଭଳି କ୍ୟାମେରା ବଜାରକୁ ଆସିଥିବାବେଳେ ଏହାର ବିରଳ କଲେକ୍ସନଗୁଡ଼ିକୁ ଏଠାରେ ଦେଖିବାକୁ ପାଇଥିଲେ ଦେଖଣାହାରୀ। ଓଡ଼ିଶାରେ ପ୍ରଥମଥର ପାଇଁ ଆୟୋଜିତ ପ୍ରଦର୍ଶନୀକୁ ଓଡ଼ିଆ ଫିଲ୍ମ ଜଗତର ଜଣାଶୁଣା ଚେହେରା ତଥା ଫିଲ୍ମ ନିର୍ଦ୍ଦେଶକ ରାଜୁ ମିଶ୍ର ମୁଖ୍ୟଅତିଥିଭାବେ ଯୋଗଦେଇ ଉଦ୍‌ଘାଟନ କରିଥିଲେ। କାର୍ଯ୍ୟକ୍ରମର ମୁଖ୍ୟ ଆୟୋଜକ ଡ. ସନ୍ତୋଷ କୁମାର ମିଶ୍ର ଓ ସହ ଆୟୋଜକ ଡ. ଭବାନୀ ଶଙ୍କର ଆଚାର୍ଯ୍ୟ ଉପସ୍ଥିତ ରହି ବିଭିନ୍ନ କ୍ୟାମେରା ସମ୍ବନ୍ଧରେ ଆଲୋଚନା କରିଥିଲେ। ଏହି ଅବସରରେ କ୍ୟାମେରା ସମ୍ବନ୍ଧୀୟ ଏକ ସନ୍ଦର୍ଭ ପୁସ୍ତିକା ଉନ୍ମୋଚନ କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ଭରତପୁର ଥାନା: ଏଣେତେଣେ ପଡ଼ିଥିବା ସିସିଟିଭକୁ ନେଇ ବଢ଼ୁଛି…

ଭୁବନେଶ୍ୱର,୨୩।୯: ଭରତପୁର ଥାନା ବର୍ତ୍ତମାନ ଚର୍ଚ୍ଚାରେ ଥିବା ବେଳେ  ଥାନାରେ ଏଣେତେଣେ ପଡ଼ିଥିବା ସିସିଟିଭକୁ ନେଇ ରହସ୍ୟ ବଢ଼ୁଛି । ଗଦା ଗଦା ସିସିଟିଭି କ୍ୟାମେରା...

ପୁଣି ଚର୍ଚ୍ଚାରେ ଭରତପୁର: ନୂତନ ଆଇଆଇସି କଲେ ଯଜ୍ଞ, ଲଙ୍କା, ଲେମ୍ବୁ ଲଗାଇ…

ଭୁବନେଶ୍ୱର,୨୩।୯:  ଭରତପୁର ଥାନା ବର୍ତ୍ତମାନ ଚର୍ଚ୍ଚାରେ ଥିବା ବେଳେ  ଆଉ ଏକ ଫର୍ଦ୍ଦ   ଚର୍ଚ୍ଚାରେ ଜୋଡି ହୋଇଯାଇଛି।  ଥାନାରେ ନୂଆ ଆଇଆଇସି ପୂଜାପାଠ କରିଛନ୍ତି ।...

ମୁଖ୍ୟମନ୍ତ୍ରୀଙ୍କୁ ଭେଟିବା ପରେ ପୀଡ଼ିତାଙ୍କ ବାପା କହିଲେ ଝିଅ ସବୁବେଳେ ରାତିରେ…

ଭୁୁବନେଶ୍ୱର,୨୩।୯: ଭରତପୁର ଥାନାରେ ମେଜର ଓ ତାଙ୍କ ବାନ୍ଧବୀଙ୍କୁ ନିର୍ଯାତନା ମାମଲାକୁ ନେଇ ଚର୍ଚ୍ଚା ଥମିବା ନାଁ ନେଉନି । ଏହା ମଧ୍ୟରେ ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି...

ସଫଳତା ଛୁଇଁବାରେ ପ୍ରତିବନ୍ଧକ ସାଜେନି ଶବ୍ଦ

ଭୁବନେଶ୍ୱର,୨୩ା୯ (ବନ୍ଦନା ସେଠୀ): ପରସ୍ପର ମଧ୍ୟରେ ଭାବ ଆଦାନ ପ୍ରଦାନର ମୁଖ୍ୟ ମାଧ୍ୟମ ହେଉଛି ଭାଷା। ଆମେ କହୁଥିବା ପ୍ରତିଟି ଶବ୍ଦକୁ ନେଇ ତିଆରି ହୁଏ...

ବନ୍ଦ ଡାକରା ପ୍ରତ୍ୟାହୃତ କରିନେଲା ବିଜେଡି, କହିଲା ଏହି ବଡ଼ କାରଣ…

ଭୁବନେଶ୍ୱର,୨୩ା୯: ବିଜେଡି ପକ୍ଷରୁ ୨୩ ତାରିଖ ମଙ୍ଗଳବାର ପାଇଁ ଦିଆଯାଇଥିବା ୬ ଘଣ୍ଟିଆ ବନ୍ଦ ଡାକରାକୁ ପ୍ରତ୍ୟାହାର କରିନିଆଯାଇଛି। ଏନେଇ ବିଜେଡି ପକ୍ଷରୁ ସୋମବାର ଏକ...

ମୁଖ୍ୟମନ୍ତ୍ରୀଙ୍କୁ ଭେଟିଲେ ମେଜର-ବାନ୍ଧବୀ, ମୁଖ୍ୟମନ୍ତ୍ରୀ କହିଲେ…

ଭୁବନେଶ୍ୱର,୨୩ା୯: ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ସୋମବାର ଲୋକସେବା ଭବନରେ ଭେଟିଛନ୍ତି ମେଜର ଏବଂ ତାଙ୍କ ବାନ୍ଧବୀ। ତାଙ୍କ ସହ ତାଙ୍କ ବାପା ମଧ୍ୟ ଅଛନ୍ତି। କିଛି...

ଭରତପୁର ମାମଲାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ନେଇ ପ୍ରକାଶ ପାଇଲା ବିଜ୍ଞପ୍ତି, ଯଦି ଏହି ଘଟଣା ସହ ଆଉ…

ଭୁବନେଶ୍ୱର,୨୩ା୯: ଭରତପୁର ମାମଲାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ନେଇ ସୋମବାର ବିଜ୍ଞପ୍ତି ପ୍ରକାଶ ପାଇଛି। ଏନେଇ ଗୃହ ବିଭାଗ ପକ୍ଷରୁ ତଦନ୍ତ ନିର୍ଦ୍ଦେଶ ଦିଆଯାଇଛି।...

ଆସୁଛି ଆଉ ଏକ ଲଘୁଚାପ, ୧୨ ଜିଲାରେ ପ୍ରବଳରୁ ଅତି ପ୍ରବଳ ବର୍ଷା

ଭୁବନେଶ୍ୱର,୨୩।୯: ମୌସୁମୀ ଟ୍ରପ୍‌ ଲାଇନ୍‌ ବଙ୍ଗୋପସାଗରର ଦକ୍ଷିଣପୂର୍ବ ଦିଗରେ ଅଗ୍ରସର ହେଉଛି। ସେହିପରି ଆନ୍ଧ୍ରପ୍ରଦେଶ ଉପକୂଳରୁ ଦକ୍ଷିଣ ଉପକୂଳବର୍ତ୍ତୀ ମ୍ୟାନ୍‌ମାର ମଧ୍ୟରେ ୨ଟି ଘୂର୍ଣ୍ଣିବଳୟ ସକ୍ରିୟ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri