ନୂଆଦିଲ୍ଲୀ,୧୩-୮: ଖଣି ଖନନରେ କ୍ଷେତ୍ରରେ ଶୀର୍ଷ କମ୍ପାନୀ ବେଦାନ୍ତ ରିସୋର୍ସେଜ ମୁଖ୍ୟ ଅନିଲ ଅଗ୍ରଓ୍ବାଲ ଜେଟ୍ ଏୟାରଓ୍ବେଜ୍ରେ ନିବେଶ କରିବେ ନାହିଁ ବୋଲି କହି ନିଜ ନିଷ୍ପତ୍ତିରୁ ପଛଘୁଞ୍ଚା ଦେଇଛନ୍ତି। ସେ କହିଛନ୍ତି ଯେ, ଜେଟ୍କୁ କିଣିବା ଲାଗି ତାଙ୍କର କୌଣସି ଆଗ୍ରହ ନାହିଁ। ଋଣରେ ବୁଡ଼ି ରହିଥିବା ଜେଟ୍ ମାମଲା ଏବେ ଆଇବିସି ଅଧୀନରେ ରହିଛି। ଅଗ୍ରଓ୍ବାଲ୍ଙ୍କ ନିବେଶ କମ୍ପାନୀ ଭୋଲକାନ ଇନ୍ଭେଷ୍ଟମେଣ୍ଟ ଜେଟ୍କୁ କିଣିବା ଲାଗି ରବିବାର ଇଚ୍ଛାପତ୍ର(ଇଓଆଇ) ଜମା କରିଥିଲା। ଗତକାଲି ଉକ୍ତ ଏୟାରଲାଇନ କମ୍ପାନୀକୁ କିଣିବା ଲାଗି ବିଡ୍ ଦାଖଲ କରିବାର ଶେଷ ଦିନ ଥିଲା। ସୋମବାର ଅନିଲ କହିଛନ୍ତି ଯେ, ପ୍ରାରମ୍ଭିକ ସମୀକ୍ଷା ପରେ ଭୋଲକାନ ପକ୍ଷରୁ ଇଚ୍ଛାପତ୍ର ଦାଏର କରାଯାଇଥିଲା। ତେବେ ପରବର୍ତ୍ତୀ ଯାଞ୍ଚ ଏବଂ ଅନ୍ୟ ପ୍ରାଥମିକତାକୁ ବିଚାର କରାଯିବା ପରେ ଜେଟ୍କୁ କିଣିବା ଲାଗି ଆଗେଇବା ଉଚିତ ହେବ ନାହିଁ ବୋଲି ହୃଦବୋଧ ହୋଇଛି।
