ଭୁବନେଶ୍ୱର, ୨୮।୧(ବ୍ୟୁରୋ): ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନବନ୍ଦରରୁ ସୋମବାର କୋଲକାତାକୁ ସିଧାସଳଖ ବିମାନ ଚଳାଚଳ ଆରମ୍ଭ ହୋଇଛି। ଏଲାଏନ୍ସ ଏୟାର୍ ପକ୍ଷରୁ ଏହି ବିମାନ ସେବା ଆରମ୍ଭ ହୋଇଛି। ବିମାନଟି କୋଲକାତାରୁ ପୂର୍ବାହ୍ନ ୧୧ଟା ୪୫ରୁ ଛାଡ଼ି ଝାରସୁଗୁଡ଼ାରେ ଅପରାହ୍ନ ୧ଟା ୧୫ରେ ପହଞ୍ଚତ୍ବାର ଥିଲା ଏବଂ ପୁଣି ଝାରସୁଗୁଡ଼ାରୁ ଅପରାହ୍ନ ୧ଟା ୪୫ରେ କୋଲକାତା ଅଭିମୁଖେ ଉଡ଼ାଣ କରିବାର ଥିଲା। କିନ୍ତୁ ସୋମବାର ଝାରସୁଗୁଡ଼ାରେ ମଧ୍ୟାହ୍ନ ୧୨ଟା ୫୦ମିନିଟ୍ରେ ପହଞ୍ଚତ୍ଥିବାବେଳେ ଅପରାହ୍ନ ୧ଟା ୨୫ମିନିଟ୍ରେ କୋଲକାତା ଅଭିମୁଖେ ଉଡ଼ାଣ କରିଥିଲା। ପ୍ରଥମ ଦିନରେ ବିମାନଟି କୋଲକାତାରୁ ୧୬ଜଣ ଯାତ୍ରୀଙ୍କୁ ନେଇ ଆସିଥିବା ଏବଂ ଝାରସୁଗୁଡ଼ାରୁ ୨୫ଜଣ ଯାତ୍ରା କରିଥିବା ସୂଚନା ମିଳିଛି। ଏହି ବିମାନ ସେବା ଆରମ୍ଭ ହେବା ଫଳରେ ପଶ୍ଚିମ ଓଡ଼ିଶାବାସୀଙ୍କ ଦୀର୍ଘଦିନର ଆଶା ପୂରଣ ହୋଇଛି। ସୂଚନାଯୋଗ୍ୟ, ପୂର୍ବରୁ ଏଲାଏନ୍ସ ଏୟାର୍ ଝାରସୁଗୁଡ଼ାରୁ ଭାୟା ରାୟପୁର ହୋଇ କୋଲକାତା ଉଡ଼ାଣ କରୁଥିଲା। ଉଲ୍ଲେଖଯୋଗ୍ୟ, ଏହି ବିମାନଟି କେବଳ ଝାରସୁଗୁଡ଼ା-କୋଲକାତା ମଧ୍ୟରେ ସୀମିତ ହୋଇ ରହିବ ନାହିଁ। ବିମାନଟି ଆସନ୍ତା ୩୧ତାରିଖରୁ ବାରାଣସୀ ପର୍ଯ୍ୟନ୍ତ ଯିବ। ତେଣୁ ଆସନ୍ତା ୩୦ତାରିଖ ପର୍ଯ୍ୟନ୍ତ ପୂର୍ବ ନିର୍ଦ୍ଧାରିତ ସମୟରେ ଚାଲିବାକୁ ଥିବା ବେଳେ ୩୧ତାରିଖରୁ ଅନ୍ୟ ଏକ ସମୟ ସାରଣୀରେ ବିମାନ ଚଳାଚଳ କରିବ ବୋଲି ସୂଚନା ମିଳିଛି।
