ଜୋହାନ୍ସବର୍ଗ, ୬ା୮(ଏଏଫ୍ପି)-ଆଧୁନୀକ ଯୁଗର ଅନ୍ୟତମ ମହାନ ଫାଷ୍ଟ ବୋଲର ଦକ୍ଷିଣ ଆଫ୍ରିକାର ଡେଲ୍ ଷ୍ଟେଇନ୍ ସୋମବାର ଟେଷ୍ଟ କ୍ରିକେଟରୁ ତାଙ୍କ ଅବସର ଘୋଷଣା କରିଛନ୍ତି। ସୀମିତ ଓଭର ବିଶିଷ୍ଟ ଫର୍ମାଟରେ ଅଧିକ ଦିନ ଧରି ତିଷ୍ଠି ରହିବା ଅଭିପ୍ରାୟ ନେଇ ସେ ଏହି ପଦକ୍ଷେପ ନେଇଛନ୍ତି। ୨୦୦୪ରେ ଇଂଲଣ୍ଡ ବିପକ୍ଷରେ ଅନ୍ତର୍ଜାତୀୟ ପଦାର୍ପଣ କରିଥିବା ଷ୍ଟେଇନ୍ ତାଙ୍କ ଅନ୍ତିମ ଟେଷ୍ଟ ମ୍ୟାଚ ଗତ ଫେବୃୟାରୀରେ ଶ୍ରୀଲଙ୍କା ବିପକ୍ଷରେ ଖେଳିଥିଲେ। ଏଣିକି ସେ ଦକ୍ଷିଣ ଆଫ୍ରିକା ତରଫରୁ ଅନ୍ତର୍ଜାତୀୟ ଦିନିକିଆ ଓ ଟି୨୦ ପାଇଁ ଉପଲବ୍ଧ ହେବେ। ୩୬ ବର୍ଷୀୟ ଷ୍ଟେଇନ୍ କହିଛନ୍ତି, କ୍ରିକେଟର ଏହି ଫର୍ମାଟକୁ ମୁଁ ସବୁଠାରୁ ଭଲ ପାଏ। ସୋମବାର ଏହାଠାରୁ ଦୂରେଇ ଯାଉଛି। ସୂଚନାଯୋଗ୍ୟ, ଷ୍ଟେଇନ୍ ହେଉଛନ୍ତି ଦକ୍ଷିଣ ଆଫ୍ରିକାର ସର୍ବକାଳୀନ ଅଗ୍ରଣୀ ଟେଷ୍ଟ ଉଇକେଟ ହାସଲକାରୀ ବୋଲର। ଖେଳର ଇତିହାସରେ ଶ୍ରେଷ୍ଠ ୧୦ ବୋଲରଙ୍କ
