ମୁମ୍ବାଇ,୧୯।୬(ପି.ଟି.): କ୍ୟାରିୟରର ଆରମ୍ଭ ୨ ବର୍ଷରେ ଅଜିଙ୍କ୍ୟ ରାହାନେ ବେଶ୍ ଉଚ୍ଚକୋଟୀର ବ୍ୟାଟିଂ କରି ସମସ୍ତଙ୍କୁ ପ୍ରଭାବିତ କରୁଥିଲେ। ଏବେ ମଧ୍ୟ ସେ ୫ ନମ୍ବର ସ୍ଥାନରେ ଭଲ ବ୍ୟାଟିଂ କରିପାରିବେ ବୋଲି ପୂର୍ବତନ ଭାରତୀୟ ବ୍ୟାଟ୍ସମ୍ୟାନ ସଞ୍ଜୟ ମଞ୍ଜରେକର କହିଛନ୍ତି। ସୀମିତ ଓଭରରେ ଲୋକେଶ ରାହୁଲ ଚମତ୍କାର ପ୍ରଦର୍ଶନ କରିଥିଲେ ମଧ୍ୟ ଟେଷ୍ଟରେ ସେ ରାହାନେଙ୍କ ବିକଳ୍ପ ହେବେ ବୋଲି ଭାବୁନାହିଁ। ଏଥିପାଇଁ ରାହୁଲଙ୍କୁ ପ୍ରଥମେ ଘରୋଇ କ୍ରିକେଟରେ ବିପୁଳ ରନ୍ ସଂଗ୍ରହ କରିବାକୁ ହେବ ବୋଲି ଏକ ୟୁଟ୍ୟୁବ୍ ଚ୍ୟାନେଲକୁ ସାକ୍ଷାତ୍କାର ଦେବା ଅବସରରେ ସେ କହିଛନ୍ତି। ୫ ନମ୍ବରରେ ସ୍ଥାନ ପକ୍କା କରିବାକୁ ହେଲେ ରାହାନେଙ୍କୁ ଆହୁରି ଅଧିକ ସ୍ଥିର ପ୍ରଦର୍ଶନ କରିବାକୁ ହେବ।
