ଖପ୍ରାଖୋଲ, ୩୧ା୫(ଡି.ଏନ.ଏ)-ବଲାଙ୍ଗୀର ଜିଲା ଖପ୍ରାଖୋଲ ବ୍ଲକର ଅପର ସୁକତେଲ ମଧ୍ୟମ ଜଳସେଚନ ପ୍ରକଳ୍ପ ଜଳ ସେଚିତ ଅଞ୍ଚଳ ଓ ସୁକତେଲ ନଦୀକୂଳେ ଥିବା ଦମେଇପାଲି, ଯୁରିଆ, ଗୌଡପାଲି ପ୍ରମୁଖ ଲୁହାସିଂହା କୃଷି ସମବାୟ ସମିତି ଅଞ୍ଚଳର ଚାଷୀ ରବି ଧାନ ଅମଳ କରି ସାରିଲେଣି ା ଧାନବିକ୍ରି ପାଇଁ ପୂର୍ବରୁ ପଞ୍ଜୀକରଣ କରିଥିବାବେଳେ ଟୋକନ ମଧ୍ୟ ପାଇଛନ୍ତି। ହେଲେ ବିକ୍ରି ଟାର୍ଗେଟ ଆବଶ୍ୟକ ଅନୁଯାୟୀ ଆସୁ ନ ଥିବାରୁ ଚିନ୍ତାରେ ଚାଷୀ ା ଅମଳ ଧାନକୁ ଖଳାରେ ଅଥବା ଘର ଦାଣ୍ଡରେ ରଖି ଟାର୍ଗେଟକୁ ଅପେକ୍ଷା କରି ରହିଛନ୍ତି ଚାଷୀ। ଗତବର୍ଷ ଖପ୍ରାଖୋଲ କୃଷି ସମବାୟ ସମିତିରେ ରବି ଧାନ ବିକ୍ରିକୁ ନେଇ ରାସ୍ତାରୋକୋ ଆନ୍ଦୋଳନ ଆଦି ହୋଇଥିଲା। ଚଳିତ ବର୍ଷ ଏହି ଅଞ୍ଚଳରେ ୧୯୩ ଜଣ ଚାଷୀ ଧାନ ବିକ୍ରି ପାଇଁ ପଞ୍ଜୀକରଣ କରିଥିବାବେଳେ ପ୍ରଥମ ପର୍ଯ୍ୟାୟରେ ୯ ହଜାର ୫ ଶହ କୁଇଣ୍ଟାଲ ଧାନ ବିକ୍ରି ପାଇଁ ଟୋକନ୍ ଦିଆଯାଇଛି। ହେଲେ ପ୍ରଥମେ ଯୋଗାଣ ବିଭାଗ ୬ ଶହ କୁଇଣ୍ଟାଲ ଧାନ କିଣା ଲାଗି ଟାର୍ଗେଟ ଦେଇଥିବାବେଳେ ତାହା କିଣା ସରିଛି ା ଏବେ ପୁଣି ୧ ହଜାର କୁଇଣ୍ଟାଲ ଟାର୍ଗେଟ ଆସିଥିବା ଜଣାଯାଇଛି ା ସେହିପରି ଲୁହାସିଂହା କୃଷି ସମବାୟ ସମିତିରେ ୬୬ଜଣ ଚାଷୀ ଧାନବିକ୍ରି ପାଇଁ ପଞ୍ଜୀକରଣ କରିଥିଲେ। ପ୍ରଥମ ପର୍ଯ୍ୟାୟରେ ୨୬ ଜଣ ଚାଷୀ ପାଇଁ ୩ ହଜାର ୮୧୦ କୁଇଣ୍ଟାଲ ଧାନ ବିକ୍ରି ପାଇଁ ଟୋକନ ଆସିଥିବାବେଳେ ଟାର୍ଗେଟ କେବଳ ୧୧ଶହ କୁଇଣ୍ଟାଲ ଆସି କିଣା ସରିଛି ା ଏଠାରେ ମଧ୍ୟ ଅନେକ ଧାନ ଅମଳ କରି ଘରେ ରଖିଥିବାବେଳେ ଶହଶହ ବସ୍ତା ଧାନ କୃଷି ସମବାୟ ସମିତି ଗୋଦାମ ଘରେ ଚାଷୀ ରଖିଛନ୍ତି। ତୁରନ୍ତ ଟାର୍ଗେଟ ବଢାଇ ଧାନ କିଣିବାକୁ ଭାଲୁଡୁଙ୍ଗୁରୀ ଗାଁର ଚାଷୀ ଗଣେଶ ସାହୁ, ତରଣୀ ସାହୁ, ଲୁହାସିଂହା କୃଷି ସମବାୟ ଅଞ୍ଚଳର ରାଜକିଶୋର ମେହେର, ବିଜୟ କୁମାର ଯୋଶୀ, ଦାମୋଦର ଥପା ପ୍ରମୁଖ ଦାବି କରିଛନ୍ତି। ଏ ନେଇ ପାଟଣାଗଡ ଉପଖଣ୍ଡ ଯୋଗାଣ ଅଧିକାରୀ ବିଜୟକୁମାର କୁଲୁଙ୍କୁ ପଚାରିବାରୁ କୃଷି ସମବାୟ ସମିତି ତାଙ୍କ ଧାନ ବିକ୍ରି ଆବଶ୍ୟକତା ସମ୍ପର୍କରେ ସମବାୟ ସହ ନିବନ୍ଧକଙ୍କ ମାଧ୍ୟମରେ ଜଣାଇଲେ ଜିଲା ଯୋଗାଣ ଅଧିକାରୀ ଟାର୍ଗେଟ ପ୍ରଦାନ କରିବେ ବୋଲି କହିଛନ୍ତି।
