Posted inଜାତୀୟ

ଟ୍ରଷ୍ଟକୁ ନେଇ ତେଜିଲା ରାଜନୀତି

ଅଯୋଧ୍ୟା,୧୬ା୧୧(ଆଇଏଏନ୍‌ଏସ୍‌): ଅଯୋଧ୍ୟାରେ ରାମମନ୍ଦିର ନିର୍ମାଣର ତଦାରଖ କରିବାକୁ ଥିବା ଟ୍ରଷ୍ଟ ଗଠନ ଉପରେ ସମସ୍ତଙ୍କର ନଜର ରହିଥିଲାବେଳେ ଏହାକୁ ନେଇ ରାଜନୀତି ଆରମ୍ଭ ହୋଇଯାଇଛି। ସୁପ୍ରିମକୋର୍ଟଙ୍କ ରାୟକୁ ଭଲ ଭାବେ ଅନୁଧ୍ୟାନ କରି ଯଥାଶୀଘ୍ର ପ୍ରସ୍ତାବିତ ଟ୍ରଷ୍ଟର ଗଠନ ନେଇ କାର୍ଯ୍ୟ ଆରମ୍ଭ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଇନ, ସ୍ବରାଷ୍ଟ୍ର ଓ ସଂସ୍କୃତି ମନ୍ତ୍ରଣାଳୟର ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ଟ୍ରଷ୍ଟରେ ସ୍ଥାନ ପାଇବା ଲାଗି ସନ୍ଥ ଓ ବିଭିନ୍ନ ହିନ୍ଦୁ ସଂଗଠନ ମଧ୍ୟରେ ବିବାଦ ଆରମ୍ଭ ହୋଇଯାଇଥିବାର ସଙ୍କେତ ମିଳିଲାଣି। ଏହାକୁ ନେଇ ଅଯୋଧ୍ୟାରେ ରାଜନୀତି ଜୋର ଧରିଥିଲାବେଳେ ସନ୍ଥମାନେ ନିଜକୁ ଉପସ୍ଥାପନ କରିବାରେ କୁଣ୍ଠାବୋଧ କରୁନାହାନ୍ତି।
ଏହା ସ୍ପଷ୍ଟ ଯେ, ଯେଉଁମାନେ ଟ୍ରଷ୍ଟରେ ସ୍ଥାନ ପାଇବେ ରାମମନ୍ଦିର ନିର୍ମାଣ ଶ୍ରେୟ ସ୍ବତଃ ସେମାନଙ୍କୁ ମିଳିବ। ରାମ ଜନ୍ମଭୂମି ନ୍ୟାସର ମୁଖ୍ୟ ମହନ୍ତ ନୃତ୍ୟଗୋପାଳ ଦାସ୍‌ ନୂତନ ଟ୍ରଷ୍ଟରେ ସ୍ଥାନ ପାଇବାର ଯଥେଷ୍ଟ ସମ୍ଭାବନା ଥିବା ଚର୍ଚ୍ଚା ହେଉଛି। କାରଣ ତାଙ୍କ ନେତୃତ୍ୱରେ ନ୍ୟାସ ୯୦ ଦଶକରୁ ମନ୍ଦିର ଆନ୍ଦୋଳନ ଚଳାଇଥିଲା। ୧୯୯୩ ଜାନୁୟାରୀରେ ବିଶ୍ୱ ହିନ୍ଦୁ ପରିଷଦ (ଭିଏଚ୍‌ପି) ସଦସ୍ୟମାନଙ୍କ ଦ୍ୱାରା ଏହି ରାମ ଜନ୍ମଭୂମି ନ୍ୟାସ ଗଠନ ହୋଇଥିଲା। ୨୦୦୩ ପର୍ଯ୍ୟନ୍ତ ମହନ୍ତ ରାମଚନ୍ଦ୍ର ଦାସ ପରମହଂସ ଏହାର ମୁଖ୍ୟ ରହିଥିଲେ। ଉକ୍ତ ଟ୍ରଷ୍ଟ କରସେବକପୁରମ୍‌ରେ ଥିବା କର୍ମଶାଳାର ତଦାରଖ କରୁଥିଲା। ତେଣୁ କେନ୍ଦ୍ର ସରକାର ପ୍ରସ୍ତାବିତ ଟ୍ରଷ୍ଟରେ ଉକ୍ତ ନ୍ୟାସରୁ ପ୍ରତିନିଧିଙ୍କୁ ସାମିଲ କରିପାରନ୍ତି ବୋଲି ବିଶ୍ୱାସ କରାଯାଉଛି। ଏହାବ୍ୟତୀତ ଟ୍ରଷ୍ଟରେ ସାମିଲ ହେବା ପାଇଁ ପୂର୍ବତନ ଭାଜପା ନେତା ରାମବିଳାସ ବେଦାନ୍ତି ଏବଂ ବିନୟ କଟିୟାର ମଧ୍ୟ ସେମାନଙ୍କ ନାଁକୁ ଉପସ୍ଥାପନ କରୁଛନ୍ତି। ମୋଦିଙ୍କର କେତେଜଣ ଖାସ୍‌ ବରିଷ୍ଠ ପ୍ରଶାସନିକ ଅଧିକାରୀ ଏବଂ ଆଇନଜୀବୀ ମଧ୍ୟ ଟ୍ରଷ୍ଟରେ ସ୍ଥାନ ପାଇପାରନ୍ତି ବୋଲି ଏକ ସୂତ୍ରରୁ ଜଣାପଡିଛି। ୟୁପିର ଜଣେ ବରିଷ୍ଠ ମନ୍ତ୍ରୀ କିମ୍ବା ଭାଜପା ନେତା, ସୁପ୍ରିମକୋର୍ଟର ବିଚାରପତି କିମ୍ବା ବିଦ୍ୱାନଙ୍କୁ ଟ୍ରଷ୍ଟରେ ନିଆଯିବା ସମ୍ଭାବନା ରହିଛି।
ରାମମନ୍ଦିର ନିର୍ମାଣ ଲାଗି ବିଭିନ୍ନ ସଂଗଠନ ଓ ନ୍ୟାସ ଦ୍ୱାରା ସଂଗୃହୀତ ପାଣ୍ଠିକୁ ନେଇ ପ୍ରସ୍ତାବିତ ଟ୍ରଷ୍ଟରେ ସବୁଠୁ ବଡ଼ ବିବାଦ ଦେଖାଦେବା ସମ୍ଭାବନା ରହିଛି। ସର୍ବାଧିକ ପାଣ୍ଠି ଭିଏଚ୍‌ପି ସଂଗ୍ରହ କରିଛି। ମୁଖ୍ୟ ପ୍ରସଙ୍ଗ ହେଉଛି ପାଣ୍ଠି ସଂଗ୍ରହକାରୀମାନେ ଏହାକୁ ନୂଆ ଟ୍ରଷ୍ଟକୁ ହସ୍ତାନ୍ତର କରିବାକୁ ପ୍ରସ୍ତୁତ ହେବେ ତ? ଗତ ୨୭ ବର୍ଷ ମଧ୍ୟରେ କୋଟି କୋଟି ଟଙ୍କା ସଂଗୃହୀତ ହୋଇଛି। ତେବେ ପାଣ୍ଠି ସଂଗ୍ରହ କରିଥିବା ସଂଗଠନଗୁଡିକର ଉପଯୁକ୍ତ ରେକର୍ଡ ନାହିଁ। ତେଣୁ ସଂଗୃହୀତ ପାଣ୍ଠି ପାଇଁ କିଏ ଉତ୍ତରଦାୟୀ ରହିବ ତାହା ଅନ୍ୟ ଏକ ପ୍ରଶ୍ନ। ୧୮ କୋଟି ଟଙ୍କା ରାମ ଜନ୍ମଭୂମି ନ୍ୟାସକୁ ହସ୍ତାନ୍ତର କରାଯାଇଥିବା ରାମଲାଲା ମନ୍ଦିରର ମୁଖ୍ୟ ପୂଜକ ମହନ୍ତ ସତ୍ୟେନ୍ଦ୍ର ଦାସ୍‌ ଦାବି କରୁଥିଲାବେଳେ ଏହାର ହିସାବ କାହା ପାଖରେ ନାହିଁ।


Enter your email to get our daily news in your inbox.

All Right Reserved By Dharitri.Com

ଇତିହାସ ରଚିଲା ଇସ୍ରୋ, ଶ୍ରୀହରିକୋଟାରୁ ସଫଳତାର ସହ SpaDex Mission ଲଞ୍ଚ

ଶ୍ରୀହରିକୋଟା,୩୦।୧୨: ଭାରତୀୟ ମହାକାଶ ଗବେଷଣା ସଂଗଠନ (ISRO) ସୋମବାର ଇତିହାସ ରଚିଛି। ଇସ୍ରୋ ସଫଳତାର ସହିତ ଏହାର ଉଚ୍ଚାଭିଳାଷୀ ମିଶନ PSLV-C60 SpaDeX ଆରମ୍ଭ କରିଛି।...

ମନମୋହନଙ୍କୁ ନେଇ ସାରା ଦେଶ ଶୋକ ପାଳୁଥିବା ବେଳେ ଭିଏତନାମ ଗଲେ ରାହୁଲ ଗାନ୍ଧୀ, କଟାକ୍ଷ କଲା ଭାଜପା

ନୂଆଦିଲ୍ଲୀ,୩୦।୧୨: ଭାରତୀୟ ଜନତା ପାର୍ଟି(ଭାଜପା) ସୋମବାର ଲୋକ ସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ସମାଲୋଚନା କରିଛି। ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ପରଲୋକର...

ଓ୍ବାୟନାଡ଼ରେ କଂଗ୍ରେସର ଅଡ଼ୁଆ ବଢ଼ିଲା, ୨ଜଣଙ୍କ ଆତ୍ମହତ୍ୟାକୁ ନେଇ କାହିଁକି…

ନୂଆଦିଲ୍ଲୀ,୩୦।୧୨: କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ବିଧାନସଭା କ୍ଷେତ୍ର ଓ୍ବାୟନାଡ଼ରେ କଂଗ୍ରେସର ଅଡୁଆ ବଢ଼ିଛି। ଏହାର କାରଣ ହେଉଛି ଓ୍ବାୟନାଡ଼ରେ ଜଣେ ସ୍ଥାନୀୟ...

ବୀମାଭୁକ୍ତ ଚାଷୀଙ୍କ ଫସଲ କ୍ଷତି ସୂଚନା ଦେବାକୁ ଅବଧି ବଢ଼ାଇଲେ କେନ୍ଦ୍ର ସରକାର, ଧନ୍ୟବାଦ ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩୦ା୧୨: ରାଜ୍ୟରେ ଅଦିନିଆ ବର୍ଷା ଯୋଗୁ ଚାଷୀମାନେ ଫସଲ କ୍ଷତିର ସମ୍ମୁଖୀନ ହୋଇଥିବାରୁ ରାଜ୍ୟ ସରକାର କ୍ଷତିଗ୍ରସ୍ତ ଚାଷୀମାନଙ୍କୁ ସହାୟତା ଦେବା ପାଇଁ ଯୋଜନା କରିଛନ୍ତି...

ପୂଜାରୀଙ୍କୁ ପ୍ରତି ମାସରେ ମିଳିବ ୧୮ ହଜାର ଟଙ୍କା

ନୂଆଦିଲ୍ଲୀ,୩୦।୧୨: ଦିଲ୍ଲୀ ବିଧାନସଭା ନିର୍ବାଚନ ପୂର୍ବରୁ ଆମ ଆଦମୀ ପାର୍ଟିର ଜାତୀୟ ସଂଯୋଜକ ଅରବିନ୍ଦ କେଜରିୱାଲ ଆଉ ଏକ ବଡ଼ ଘୋଷଣା କରିଛନ୍ତି। ଏହି ଘୋଷଣାରେ...

ଇତିହାସ ରଚିବାକୁ ଯାଉଛି ଇସ୍ରୋ: ଆଜି ରାତିରେ ହେବ…

ନୂଆଦିଲ୍ଲୀ,୩୦।୧୨: ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ସୋମବାର ଆଜି ରାତିରେ ଦୁଇଟି ଉପଗ୍ରହ ଉତକ୍ଷେପଣ କରିବ। ଏହି ଉପଗ୍ରହଗୁଡିକର ଉଦ୍ଦେଶ୍ୟ ହେଉଛି ମହାକାଶରେ ଯୋଡିବା...

ବାଂଲାଦେଶର ସନ୍ଦେହ, କେବେବି ହାସିନାଙ୍କୁ ନ ଫେରାଇପାରେ ଭାରତ, ଜାଣନ୍ତୁ ଏହାର କାରଣ

ଢାକା/ନୂଆଦିଲ୍ଲୀ,୩୦।୧୨: ଅଗଷ୍ଟରେ ହୋଇଥିବା ବିକ୍ଷୋଭ ପରେ ଶେଖ ହସିନା ବାଂଲାଦେଶରେ କ୍ଷମତାରୁ ବହିଷ୍କୃତ ହୋଇଥିଲେ ଏବଂ ଏହା ପରେ ସେ ଭାରତକୁ ପଳାଇ ଆସିଥିଲେ। ବର୍ତ୍ତମାନ...

ଆମେରିକାର ସବୁଠାରୁ ବୟସ୍କ ରାଷ୍ଟ୍ରପତିଙ୍କର ଭାରତ ସହ ରହିଛି ସ୍ବତନ୍ତ୍ର ସମ୍ପର୍କ

ଓ୍ବାଶିଂଟନ,୩୦।୧୨: ଆମେରିକାର ସବୁଠାରୁ ବୟସ୍କ ରାଷ୍ଟ୍ରପତି ଜିମି କାର୍ଟରଙ୍କ ରବିବାର ରାତିରେ ମୃତ୍ୟୁ ଘଟିଛି। ସେ ଆମେରିକାର ୩୯ତମ ରାଷ୍ଟ୍ରପତି ଏବଂ ଭାରତ ଗସ୍ତରେ ଆସିଥିବା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri