ବଇଣ୍ଡା,୨୦।୭(ଡି.ଏନ.ଏ.): ଆଠମଲ୍ଲିକ ଜିଲା ଅନୁଗୋଳ ବ୍ଲକ ଠାକୁରଡ଼ ଥାନା ପେଡ଼ିପର, ସାନହୁଲା, କୁରୁମଟାପ, କୁର୍ତ୍ତିବାସପୁର, ପାଇକସାହି, ସାପଘରା, ଟାପଢୋଲ ଆଦି ବିଭିନ୍ନ ପଞ୍ଚାୟତରେ ବ୍ୟାପକ ଚୋରା ଦେଶୀ ଓ ବିଦେଶୀ ମଦ କାରବାର ବୃଦ୍ଧି ପାଉଥିବା ଅଭିଯୋଗ ହେଉଛି। ଅବକାରୀ ଓ ପୋଲିସ ବିଭାଗ ପକ୍ଷରୁ ଚଢାଉ କରାଯାଉ ଥିବା ଯୋଗୁ ଆଇନଶୃଙ୍ଖଳା ବିପର୍ଯ୍ୟସ୍ତ ହୋଇପଡ଼ୁଛି। ଫଳରେ ସାଧାରଣରେ ଅସନ୍ତୋଷ ଦେଖାଦେଇଛି।
ଅଭିଯୋଗ ମୁତାବକ, ଏହି ଥାନା ଅଞ୍ଚଳରେଦେଶୀ ଓ ବିଦେଶୀ ମଦ ଦୋକାନ ରହିଛି। ମଦ ବ୍ୟବସାୟ ବୃଦ୍ଧି କରିବା ପାଇଁ ଉଭୟ ମଦ ଦୋକାନୀର କର୍ମଚାରୀମାନେ ବାଇକ ଯୋଗେ ଗ୍ରାମାଞ୍ଚଳରେ ଥିବା ପାନ ଓ ତେଜରାତି ଦୋକାନକୁ ଚାଲାଣ କରୁଛନ୍ତି। ଗ୍ରାମାଞ୍ଚଳ ଦୋକାନୀମାନେ ମଦ ବ୍ୟବସାୟରେ ଭଲ ଦୁଇ ପଇସା ଲାଭ କରିଥିବା ଯୋଗୁ ପ୍ରିଂଜ ରଖି ଏହି ବ୍ୟବସାୟ ନିର୍ଭୟରେ କରୁଛନ୍ତି। ଏପରିକି ସା ସମୟରେ ଯୁବକମାନେ ମଦ୍ୟପାନ କରି ଗାଁରେ ଗଣ୍ଡଗୋଳ ସୃଷ୍ଟି କରୁଛନ୍ତି। ଏ ନେଇ ବାରମ୍ବାର ପୋଲିସ ଓ ଅବକାରୀ ବିଭାଗକୁ ଅଭିଯୋଗ କଲେ ମଧ୍ୟ ଚଢାଉ ହେଉ ନ ଥିବା ପାଇକସାହି ଗ୍ରାମବାସୀ ଅଭିଯୋଗ କରିଛନ୍ତି। ତୁରନ୍ତ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି। ଏ ନେଇ ଠାକୁରଗଡ଼ ଥାନା ଆଇଆଇସି ଗବାକ୍ଷ କହିଛନ୍ତି, ଚୋରା ମଦକୁ ରୋକିବା ପାଇଁ ପୋଲିସ ପକ୍ଷରୁ ଚଢାଉ କରାଯାଉଛି।
